Dakka qalasynyń eńbek daýlary jónindegi soty beibitshilik salasyndaǵy Nobel syilyǵynyń iegeri, ekonomist Muhammed Iýnýsty qamaqqa alýǵa order berdi, dep habarlaidy Geo.tv telearnasy.
79 jastaǵy Iýnýsqa ózi basqaratyn Grameen Communication kompaniiasynyń úsh qyzmetkerin zańsyz túrde jumystan shyǵardy degen aiyp taǵylǵan. Biyl jazda olar kompaniia basshysymen qosa taǵy eki adamdy zańsyz áreketterge bardy dep aiyptaǵan.
Olar 8 qazan kúni sotqa kelýi tiis edi. Biraq sottyń shaqyrýyna jaýap bolmaǵan soń, Iýnýs qamaýǵa alynǵan.
2006 jyly Iýnýs jáne ol basqaratyn Grameen bankine Nobel syilyǵy berilgen edi. Bank kedeilerge bergen kepilsiz nesie olardyń kásip ashyp, ál-aýqatyn jaqsartýyna septigin tigizgen. Iýnýs basqarǵan banktiń osy igi amaly beibitshilik salasyndaǵy Nobel syilyǵyna laiyq dep tanylǵan.
