داككا قالاسىنىڭ ەڭبەك داۋلارى جٶنٸندەگٸ سوتى بەيبٸتشٸلٸك سالاسىنداعى نوبەل سىيلىعىنىڭ يەگەرٸ, ەكونوميست مۇحاممەد يۋنۋستى قاماققا الۋعا وردەر بەردٸ, دەپ حابارلايدى Geo.tv تەلەارناسى.
79 جاستاعى يۋنۋسقا ٶزٸ باسقاراتىن Grameen Communication كومپانيياسىنىڭ ٷش قىزمەتكەرٸن زاڭسىز تٷردە جۇمىستان شىعاردى دەگەن ايىپ تاعىلعان. بيىل جازدا ولار كومپانييا باسشىسىمەن قوسا تاعى ەكٸ ادامدى زاڭسىز ەرەكەتتەرگە باردى دەپ ايىپتاعان.
ولار 8 قازان كٷنٸ سوتقا كەلۋٸ تيٸس ەدٸ. بٸراق سوتتىڭ شاقىرۋىنا جاۋاپ بولماعان سوڭ, يۋنۋس قاماۋعا الىنعان.
2006 جىلى يۋنۋس جەنە ول باسقاراتىن Grameen بانكٸنە نوبەل سىيلىعى بەرٸلگەن ەدٸ. بانك كەدەيلەرگە بەرگەن كەپٸلسٸز نەسيە ولاردىڭ كەسٸپ اشىپ, ەل-اۋقاتىن جاقسارتۋىنا سەپتٸگٸن تيگٸزگەن. يۋنۋس باسقارعان بانكتٸڭ وسى يگٸ امالى بەيبٸتشٸلٸك سالاسىنداعى نوبەل سىيلىعىنا لايىق دەپ تانىلعان.
