Foto: © Sputnik / Andrey Aleksandrov
Brakonerlikke baratyndardyń 80%-ǵa jýyǵy jumystyń joqtyǵynan zańsyz áreketke barady. Bul týraly ákimshilik politsiia komiteti tabiǵat qorǵaý politsiiasy tobynyń erekshe tapsyrmalar jónindegi aǵa inspektory Álisher Jarmaǵambetov málim etti, dep habarlaidy QazAqparat.
«Balyq brakonerligi boiynsha taldaý jasaldy. Basty sebep - azamattardyń ekologiialyq ádebiniń tómendigi. Azamattar ońai aqsha tabý jolynda qorshaǵan ortaǵa qandai zalal keletinin túsinbeidi. Brakonerlikke ekinshi sebep - jumyssyzdyq. Qylmystyq jaýapqa tartylatyn brakonerlerdiń 80%-ǵa jýyǵy - jumyssyzdar. Sonymen qatar zańsyz balyq aýlaý áreketimen kúresý maqsatynda quzyrly organdarmen birlesken jumys júrgizilip jatyr. Sonyń biri - qylmystyq jáne ákimshilik jaýapkershilik týraly kodekske ózgerister engizý jaǵy pysyqtalyp jatyr», - dedi Álisher Jarmaǵambetov ortalyq kommýnikatsiialar qyzmeti alańynda ótken baspasóz máslihatynda.
Spikerdiń málimetinshe, jyl basynan beri Atyraý, BQO jáne Mańǵystaý oblysynda júrgizilgen reidte 70 qylmystyq quqyqbuzýshylyq tirkelgen.
«Atap aitqanda, 13 zańsyz balyq aýlaý, 3 ańshylyq, 54 sirek kezdesetin jáne joiylýǵa jaqyn qalǵan ańdardy aýlaý faktisi anyqtaldy. Nátijesinde 1 myńnan astam adam ákimshilik jaýapkershilikke tartyldy», - deidi ol.
