Balqash qalasynda turyp jatqan keiýana Rahilia Erjanova 96 jasqa kelgenine qaramastan, Abaidyń óleńderin jatqa oqidy, dep habarlaidy "Ult aqparat".
Rahila Erjanova 1924 jyly Tasaral aýylynda dúniege kelgen. Aýyl mektebinde jaqsy oqyǵan. Ókinishke orai, ol tek besinshi synypty bitirip ary qarai oqi almaǵan. Keiin jumys istep, turmysqa shyǵyp, eki balanyń anasy atandy.
Rahila áje ómir boiy joldasymen birge Balqash kólinde balyq aýlaýmen ainalysqan. Biraq ol oqýǵa qashan da ýaqyt taýyp, balalarynyń ádebietke degen súiispenshiligin oiatyp otyrǵan.
«Ol kezde oqi alatyn áielder az bolatyn. Kelinder úi sharýashylyǵymen ainalysýy kerek edi. Biraq meniń anam oqyǵandy unatatyn jáne únemi kitep oqyp júretinin kóretinmin. Ol ásirese qazaq aqyndarynyń shyǵarmalaryn súiip oqityn. Anamnyń bul qasieti balalaryna da jaqsy áser etti», - deidi Rahila Erjanovanyń qyzy Baian Aiashbekova.
Qazir Rahila ájeniń 9 nemeresi jáne 16 shóberesi bar, olardyń barlyǵy óleń aitady. Kórý qabiletiniń nasharlaýyna qaramastan, Rahila Erjanovanyń oqýǵa degen yqylasy áli de zor.
