Foto: Qaraǵandy oblysynyń ákimdigi
Balqashta sý deńgeii taǵy 8 santimetrge kóterildi, - dep habarlaidy «Ult aqparat» Sý resýrstary jáne irrigatsiia ministrligine silteme jasap.
Transshekaralyq Ile ózeninen kólge sý jiberý is-sharalary jalǵasyp jatyr.
"Buǵan deiin sý deńgeii 15 sm-ge artyp, 1 sáýirde 174 sm-ge jetken. Búginde bul kórsetkish 182 sm-ge kóterildi. Osylaisha, jyl basynan beri Balqashtaǵy sý deńgeii 23 sm-ge kóterildi", - dep jazylǵan habarlamada.
Balqash kólindegi sý deńgeiin anyqtaý úshin 4 gidrobekette: Saryshaǵan, Qaraqum, Balqash, Myńaral baqylaý júrgiziledi.
"Batys Qazaqstan oblysynyń Qamys-Samar kólderine 80 mln tekshe metr sý bardy. Kaspii teńizine taǵy 200 mln tekshe metr sý jiberildi. Ulytaý oblysynan Qyzylorda oblysynyń aýylsharýashylyq alqaptaryna sý jiberý jalǵasyp jatyr", - dedi Sý resýrstary jáne irrigatsiia ministrliginiń resmi ókili Móldir Ábdýalieva.
