© Sputnik / Abzal Kaliev
«Balqash Jylý» JShS-niń laýazymdy tulǵalary jalpy somasy 677 mln teńge biýdjet qarajatyn jymqyrdy degen kúdikke ilindi. Sotqa deiingi tergep-tekserýdi QMA Qaraǵandy oblysy boiynsha departamenti tirkedi, - dep habarlaidy "Ult aqparat" Qarjylyq monitoring agenttigine silteme jasap.
Anyqtalǵandai, «Balqash Jylý» JShS-niń burynǵy basshylyǵy 2020 jyldyń maýsymynan 2023 jyldyń qańtaryna deiingi aralyqta Balqash JEO jáne Balqash qalasynyń jylýmen jabdyqtaý jelilerin jóndeýge jáne ustaýǵa arnalǵan 677 mln teńge kólemindegi biýdjet qarajatyn jeke shottary men jalǵan kásiporyndardyń shottaryna jiberý arqyly jymqyrǵan.
"Atalǵan tulǵalar ustalyp, tergeý izoliatoryna qamaldy. Tergeý sýdiasy eki ai merzimge «qamaý» sharasyn sanktsiialady.
Tergeý jalǵasyp. QR QPK 201-babyna sáikes ózge de málimetter jariia etilýge jatpaidy" - delingen agenttik habarlamasynda.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
