© Sputnik / Abzal Kaliev
Antikor Almaty jáne Balqash qalalaryn jylýmen jabdyqtaý salasyndaǵy jemqorlyqty anyqtady, dep habarlaidy "Ult aqparat" vedomstvonyń baspasóz qyzmetine silteme jasap.
"Sybailas jemqorlyqqa qarsy qyzmet «Almaty jylý jelileri» JShS jáne «Balqash jylý» JShS basshylyǵyna qatysty qylmystyq isterdi tergep jatyr.
«AlTS» JShS bas direktory men basqa da qyzmetkerleri 16 million teńge kóleminde para aldy degen kúdikke ilindi (QR QK 366-baby).
Al «Balqash jylý» JShS direktorynyń burynǵy orynbasary jáne bas býhgalteri ózderiniń kartochkalyq shottaryna artyq jalaqy esepteý jolymen 272 million teńgeden astam urlyq jasady dep kúdiktelip otyr (QR QK 189-baby). Bul rette seriktestiktiń jetkizýshiler aldynda 1,5 milliard teńgeden astam somaǵa qaryzy bolǵan" - delingen habarlamada.
Eki derek boiynsha da kúdiktilerdiń kinásin tolyq moiyndaýyna bailanysty «qamaýda ustaý» túrindegi bultartpaý sharasy qoldanylmaǵan.
Tergeý jalǵasyp jatyr. Tergeý múddesi úshin ózge aqparat jariia etýge jatpaidy.
