videodan alynǵan kadr
Balqashta ekinshi kún qatarynan sý joq, - dep habarlaidy Tengrinews.kz saity.
Buǵan deiin qala men jaqyn mańdaǵy yqshamaýdandardyń 80 myńǵa jýyq turǵyny aýyz sýsyz qalǵany habarlanǵan bolatyn. Bas sorǵy stantsiiasy aýdanyndaǵy magistraldyq sý ótkizgishte ekpin paida bolǵany habarlandy.
Kommýnaldyq qyzmet 5 sáýirde apatty joiýǵa ýáde berdi. Degenmen, jergilikti turǵyndar áli kúnge deiin sýdyń joqtyǵyn aityp otyr. Búgin ákim apatty joiýǵa ýáde berip, qala turǵyndaryna sabyr saqtaýdy surady. Ol Instagram-paraqshasynda balqashtyqtarǵa úndeý joldady.
"Biz apatty joiý jumystaryn jalǵastyryp jatyrmyz. Búgin sý tasýshylar sý beredi. Jumysty saǵat 15:00-ge deiin aiaqtap, magistraldyq jelilerdi toltyrýdy josparlap otyrmyz, sodan keiin birtindep kvartalishilik jelilerdi toltyramyz. Men barlyǵyn sabyrly bolýdy suraimyn, sý tasýshylar da jumys isteidi. Keltirilgen qolaisyzdyq úshin keshirim suraimyn. Munyń bári tehnikalyq sebepterge bailanysty", - dedi qala ákimi Qairat Qamzin balqashtyqtarǵa.
Videoǵa qaraǵanda, ákim apat bolǵan jerde ózi bolǵan.
Bul rette "Balqash Sý" JShS baspasóz qyzmeti málimetinshe, apatty qalpyna keltirý jumystary aiaqtalyp qaldy. Saǵat 13:20-da sý qubyry iske qosyldy.
"Qalanyń sý qubyrynda gidravlikalyq soqqyny boldyrmaý úshin magistraldyq jáne oramishilik jeliler arqyly berý kezeń kezeńimen, tómen qysymmen iske qosylady. Qalanyń sý qubyry kúndizgi ýaqytta toltyrylady", - dedi "Balqash Sý" ókilderi.
