Indoneziianyń Bali aralynda jezókshelikke qatysy bar degen kúdikpen 13 sheteldik ustaldy. Olardyń arasynda Qazaqstan azamaty da bar, dep habarlaidy ult.kz.
Antara saitynyń málimetinshe, kóshi-qon qyzmeti reidti 17 qyrkúiek keshke Changý, Seminiak jáne Ýmalas aýdandarynda júrgizgen. Qazaqstan azamaty Ýmalastaǵy villadan Reseidiń úsh azamatymen birge ustalǵan.
Vedomstvo ókilderiniń aitýynsha, kúdikti mekenjai týraly aqparat Telegram-daǵy habarlamalardan alynǵan. Keiin qyzmetkerler onlain-platformalardaǵy málimetterdi tekserip, nysandy baqylaýǵa alǵan.
Reid barysynda barlyǵy 12 áiel men bir er adam ustaldy. Olar Qazaqstan, Resei, Nigeriia jáne Ýkraina azamattary.
Kóshi-qon qyzmeti operatsiia jergilikti turǵyndardyń shaǵymynan keiin júrgizilgenin habarlady. Ustalǵan sheteldikter Indoneziianyń kóshi-qon zańnamasyn buzdy degen kúdikke ilingen.
Olarǵa deportatsiia jasalyp, Indoneziiaǵa bes jylǵa kirýge tyiym salynýy múmkin. Sonymen qatar keibir ustalǵandarǵa qatysty qylmystyq is qozǵalýy yqtimal.
