يندونەزييانىڭ بالي ارالىندا جەزٶكشەلٸككە قاتىسى بار دەگەن كٷدٸكپەن 13 شەتەلدٸك ۇستالدى. ولاردىڭ اراسىندا قازاقستان ازاماتى دا بار, دەپ حابارلايدى ult.kz.
Antara سايتىنىڭ مەلٸمەتٸنشە, كٶشٸ-قون قىزمەتٸ رەيدتٸ 17 قىركٷيەك كەشكە چانگۋ, سەمينياك جەنە ۋمالاس اۋداندارىندا جٷرگٸزگەن. قازاقستان ازاماتى ۋمالاستاعى ۆيللادان رەسەيدٸڭ ٷش ازاماتىمەن بٸرگە ۇستالعان.
ۆەدومستۆو ٶكٸلدەرٸنٸڭ ايتۋىنشا, كٷدٸكتٸ مەكەنجاي تۋرالى اقپارات Telegram-داعى حابارلامالاردان الىنعان. كەيٸن قىزمەتكەرلەر ونلاين-پلاتفورمالارداعى مەلٸمەتتەردٸ تەكسەرٸپ, نىساندى باقىلاۋعا العان.
رەيد بارىسىندا بارلىعى 12 ەيەل مەن بٸر ەر ادام ۇستالدى. ولار قازاقستان, رەسەي, نيگەرييا جەنە ۋكراينا ازاماتتارى.
كٶشٸ-قون قىزمەتٸ وپەراتسييا جەرگٸلٸكتٸ تۇرعىنداردىڭ شاعىمىنان كەيٸن جٷرگٸزٸلگەنٸن حابارلادى. ۇستالعان شەتەلدٸكتەر يندونەزييانىڭ كٶشٸ-قون زاڭناماسىن بۇزدى دەگەن كٷدٸككە ٸلٸنگەن.
ولارعا دەپورتاتسييا جاسالىپ, يندونەزيياعا بەس جىلعا كٸرۋگە تىيىم سالىنۋى مٷمكٸن. سونىمەن قاتار كەيبٸر ۇستالعاندارعا قاتىستى قىلمىستىق ٸس قوزعالۋى ىقتيمال.
