Indoneziialyq qutqarýshylar men áskeriler Bali aralynyń jaǵalaýyna jaqyn jerde bolǵan keme apatynan keiin iz-túzsiz joǵalǵan on tórt adamdy izdestirý jumystaryn jalǵastyrýda, dep habarlaidy Antara agenttigi.
«Gilimanýk portynyń ákimshiliginen alynǵan aldyn ala derekter boiynsha, alty adam qaza taýyp, 33 adam aman qalǵan, 14 adam iz-túzsiz joǵalǵan», - dep habarlady áskeriler ókili Iýli Eko. Onyń sózine qaraǵanda, keme bortynda ekipajdyń 12 múshesi men 41 jolaýshy bolǵan.
29 maýsym kúni Iava aralynan attanǵan keme úlken tolqyndar saldarynan Bali provintsiiasynyń mańaiynda sýǵa batqan. Buǵan deiin óńirlik bilik alty adamnyń mert bolǵanyn, segiziniń zardap shekkenin jáne altaýynyń iz-túzsiz joǵalǵanyn habarlaǵan bolatyn.
