Táýelsizdiktiń 30 jyldyǵyna orai balalarǵa arnalǵan «Ál-Farabi» animatsiialyq telehikaiasy jaryqqa shyqty, dep habarlaidy "Ult aqparat" QR Aqparat jáne qoǵamdyq damý ministrligine silteme jasap.
«Balapan» telearnasy Qazaqstan Táýelsizdiginiń 30 jyldyǵyna orai balalarǵa arnalǵan «Ál-Farabi» telehikaiasyn jaryqqa shyǵardy.
2D tehnikasynda jasalǵan telehikaianyń jobasyna árqaisysy 8 minýttan turatyn 10 seriia kirdi.
Onda balalar ataqty jerlesi, ǵylymnyń damýyna eleýli úles qosqan, álemge tanymal ǵalym jáne filosof Ábý Nasyr ál-Farabidiń ómiri men onyń ǵylymi jetistikterimen tanysýǵa múmkindik alady. Jobada ǵulamanyń balalyq shaǵy, ǵylymǵa kelý joly keńinen sýretteledi.
«Balalardyń el tarihyn bilýge, sondai-aq Ál-Farabidiń ǵalym men aǵartýshy retindegi obrazy arqyly búldirshinderdiń ǵylymǵa degen umtylysyn oiatatyndai bilim beretin telehikaiany jasaýdy maqsat kórdik», - deidi «Balapan» telearnasynyń direktory Maqpal Jumabai.
Jobanyń basty maqsaty - mektepke deiingi jáne mektep jasyndaǵy balalar arasynda ǵylymi bilimnyń mańyzdylyǵyn nasihattaý.
Animatsiialyq telehikaia Nur-Sultan ýaqytymen 20:30, 23:00-de dúisenbiden jumaǵa deiin «Balapan» telearnasynda kórsetiledi.
