«Qazaqstan» RTRK» AQ «Balapan» telearnasynda álemdi dendegen virýs qaýpi men onymen kúresý joldaryn balaǵa uǵynyqty tilde jetkizetin «Betperdeli batyr» animatsiialyq jobasy jaryq kórdi, dep habarlaidy "Ult aqparat".
Jalpy 20 bólimnen turatyn mýlthikaia túrli shytyrman oqiǵalar arqyly kishkentai kórermenderdi tazalyq saqtaýǵa shaqyryp, karantin sharalarynyń mańyzyn jetkizedi.
«Pandemiia bastalyp, búkil álem abdyrap jatqan kezde «Balapan» óz aldyna balalarǵa virýstan keletin qaýip-qaterdi, odan qorǵaný tásilderin túsindirý maqsatyn qoidy. Sol sátte arnadaǵy mýltfilm keiipkerleriniń barlyǵyna derlik maska kigizdik. Tikelei efirde koronavirýspen kúresýdiń joldaryn túsindiretin «Saý bolaiyq!» telejobasy efirge shyqty. Osydan keiin baryp, aldymyzǵa sýper qaharman oilap tapsaq degen jańa mindet qoidyq. Álemdik tájiribeni jáne óz múmkindikterimizdi saralai kele, «Betperdeli batyr» atty jańa qaharmandy oilap taptyq. Jas kórermenderimizge áleýmettik jaýapkershiliktiń mánin osylaisha animatsiia arqyly túsindirgimiz keldi», - deidi «Balapan» telearnasynyń direktory Maqpal Jumabai.
Arna basshysynyń aitýynsha, «Betperdeli batyr» obrazy aldyńǵy shepte júrgen dárigerlerge, qutqarýshylar men tártip saqshylaryna uqsas oilastyrylǵan.
Shytyrman oqiǵaly mýlthikaia «Balapan» arnasynan dúisenbi-juma kúnderi 19:20-da, al senbi-jeksenbi kúnderi 21:35-te efirge shyǵady. «Balapan» arnasy biylǵy jyly oqý-tanymdyq, shytyrman oqiǵaly, oiyn-saýyqtyq janrda 27 animatsiialyq joba jasap usynady.
