Foto: @halyk_zhurnalist.kz
Taldyqorǵanda mektep pen bilim bóliminiń 21 esepshisi qarjy jymqyrdy degen aiyppen sottaldy. Aiypkerlerdiń arasynda eki ailyq sábidiń anasy da bar. Jýrnalist Sandýǵash Dúisenova anasyna qatysty sot sheshimimen kelispei málimdeme jasady, dep habarlaidy «Ult aqparat» Azattyq Rýhy portalyna silteme jasap.
Taiaýda Taldyqorǵan qalalyq bilim bólimi men mektepterdiń bir top býhgalterleri memleket qazynasynyń aqshasyn jymqyrdy. Osylaisha sotqa 21 adam jaýapqa tartylǵan edi.
Joǵarǵy sottyń málimetinshe, bilim basqarmasynyń bas esepshisi 3 jyl boiy urlyqpen ainalysqan bir top áriptesin basqaryp otyrǵan. Onyń quramyna 7 bólim men 14 mektep esepshisi kirdi.
Jýrnalist Sandýǵash Dúisenovanyń aitýynsha, sottalǵandardyń biri Dana Sháripovanyń emshektegi eki ailyq sábii bar. Sot barysynda áiel bosanǵan eken.
"Sýdia myna eki ailyq balany jetim qaldyryp, anasynan aiyrdy. Ol qamaýǵa alyndy. Eki ailyq balanyń jazyǵy ne? Endi ony kim tamaqtandyrady? Oǵan kim qaraidy? – deidi jýrnalist.
Sol sábidiń anasy endi jeti jylǵa sottalyp otyr.
"Men olardyń kinási joq, olar kináli dep aitpaimyn. Biraq bul sábidiń anasyn tastap ketýge bolatyn edi!", – deidi Sandýǵash Dúisenova.
Eske salaiyq, buǵan deiin Jetisý oblysy qylmystyq ister jónindegi mamandandyrylǵan aýdanaralyq sotynda biýdjet qarajatyn asa iri mólsherde jymqyryp, uiymdasqan býhgalterler tobynyń isi qaraldy. Sot kezinde 3 jyl boiy Taldyqorǵan bilim bóliminiń bas býhgalteri S-men jáne áriptesterinen quralǵan (7 bilim bólimi jáne 14 orta mektep) qylmystyq top uiymdastyrǵan. Onyń basshylyǵymen uiymdasqan top aldyn ala sóz bailasý arqyly jalǵan jumyskerlerge jáne mektep qyzmetkerlerine belgilengen laýazymdyq jalaqylarynan tys jalaqy esepteý arqyly 4,5 mlrd teńgeden astam biýdjet qarajatyn jymqyrǵan. Sottyń úkimi áli zańdy kúshine engen joq.
