Eńbek ministrligi ókilderi 1,5 jasqa deiingi bala kútimi boiynsha járdemaqynyń qalai taǵaiyndalatynyn túsindirdi, - dep habarlaidy Massaget.kz.
Sondai-aq ministrlik ókilderi járdemaqy tóleý nege 2022 jyldyń 1 qańtarynan týǵan balalarǵa ǵana qatysty ekenin túsindirdi.
Memlekettik járdemaqylar týraly Zańǵa sáikes týǵan, asyrandy, sondai-aq qamqorlyqqa alynǵan balalary bar otbasylar bir jasqa tolǵanǵa deiin bala kútimi boiynsha ai saiynǵy memlekettik járdemaqy alýǵa quqyly. Bala kútimi jónindegi járdemaqyny tóleý kezeńin 1 jastan 1,5 jasqa deiin uzartý 2023 jylǵy 1 qańtardan bastap ǵana júzege asyrylatyn bolady. Quqyqtyq aktiler týraly Zańǵa sáikes, normativtik quqyqtyq aktiniń kúshi ol qoldanysqa engizilgenge deiin týyndaǵan qatynastarǵa qoldanylmaidy.
Jumys isteitin áielder men erler úshin ai saiynǵy járdemaqy mólsheri sońǵy eki jyldaǵy ortasha ailyq tabystyń 40 paiyzy. Eki jáne odan da kóp bala týǵan kezde tólem árbir balaǵa jeke taǵaiyndalady.
Jumys istemeitin áielder úshin bala kútimi boiynsha ai saiynǵy járdemaqy belgilengen jáne onyń mólsheri:
birinshi balaǵa - 5,76 AEK (18 316 teńge);
ekinshi balaǵa - 6,81 AEK (21,655 teńge);
úshinshi balaǵa - 7,85 AEK (24 963 teńge);
tórtinshi jáne odan joǵary - 8,90 AEK (28,302 teńge).
2021 jyly bala kútimi boiynsha ai saiynǵy járdemaqyny shamamen 385 myń adam aldy, onyń 3,5 myńǵa jýyǵy - er adam.
Sonymen qatar, bala týǵan kezde birjolǵy járdemaqy taǵaiyndalady. Ol birinshi, ekinshi jáne úshinshi balaǵa - 38 AEK (120 840 teńge). Tórtinshi balaǵa ata-analar 63 AEK (200 340 teńge) astam járdemaqy alady.
