Balanyń tisin jekemenshik stomatologiialyq klinikalarda joldamasyz, tegin emdetýine bolady. Bul týraly Áleýmettik meditsinalyq saqtandyrý qorynyń meditsinalyq kómek sapasyn monitoringteý departamentiniń direktory Lázzat Shomanova málim etti, dep habarlaidy QazAqparat.
«Qosalqy merdigerlik arqyly jeke stomatologiialyq ortalyqtardan balalarǵa tegin em alýǵa bolady. Óitkeni eldegi stomatologiialyq klinikalardyń basym bóligi jeke menshikte. Jekemenshik klinikaǵa júginip, sol jerden kómek alý úshin ýchaskelik dárigerden joldama alýdyń da qajeti joq.
Stomatologiialyq klinika osy qordyń (memlekettik) tapsyrys berýshisiniń tiziminde tursa, joldamasyz-aq tisin emdetip, aqparattyq qor arqyly tólemge túsedi», - dedi Lázzat Shomanova.
Onyń aitýynsha, búginde osyndai tásilmen em alýshylar kóp.
«Mundai tizimdi Áleýmettik meditsinalyq saqtandyrý qorynyń saitynan kórýge bolady. Sol tizimniń ishinen óziniń úiine jaqynyn tańdap, bara alady», - dedi qor ókili.
