بالانىڭ تٸسٸن جەكەمەنشٸك ستوماتولوگييالىق كلينيكالاردا جولداماسىز, تەگٸن ەمدەتۋٸنە بولادى. بۇل تۋرالى ەلەۋمەتتٸك مەديتسينالىق ساقتاندىرۋ قورىنىڭ مەديتسينالىق كٶمەك ساپاسىن مونيتورينگتەۋ دەپارتامەنتٸنٸڭ ديرەكتورى لەززات شومانوۆا مەلٸم ەتتٸ, دەپ حابارلايدى قازاقپارات.
«قوسالقى مەردٸگەرلٸك ارقىلى جەكە ستوماتولوگييالىق ورتالىقتاردان بالالارعا تەگٸن ەم الۋعا بولادى. ٶيتكەنٸ ەلدەگٸ ستوماتولوگييالىق كلينيكالاردىڭ باسىم بٶلٸگٸ جەكە مەنشٸكتە. جەكەمەنشٸك كلينيكاعا جٷگٸنٸپ, سول جەردەن كٶمەك الۋ ٷشٸن ۋچاسكەلٸك دەرٸگەردەن جولداما الۋدىڭ دا قاجەتٸ جوق.
ستوماتولوگييالىق كلينيكا وسى قوردىڭ (مەملەكەتتٸك) تاپسىرىس بەرۋشٸسٸنٸڭ تٸزٸمٸندە تۇرسا, جولداماسىز-اق تٸسٸن ەمدەتٸپ, اقپاراتتىق قور ارقىلى تٶلەمگە تٷسەدٸ», - دەدٸ لەززات شومانوۆا.
ونىڭ ايتۋىنشا, بٷگٸندە وسىنداي تەسٸلمەن ەم الۋشىلار كٶپ.
«مۇنداي تٸزٸمدٸ ەلەۋمەتتٸك مەديتسينالىق ساقتاندىرۋ قورىنىڭ سايتىنان كٶرۋگە بولادى. سول تٸزٸمنٸڭ ٸشٸنەن ٶزٸنٸڭ ٷيٸنە جاقىنىن تاڭداپ, بارا الادى», - دەدٸ قور ٶكٸلٸ.
