QR Mádeniet jáne sport ministrligi Mádeniet komiteti tóraǵasynyń orynbasary Kúmis Seiitova balany shyǵarmashylyq úiirmege qalai jazdyrýǵa bolatynyn túsindirdi, dep habarlaidy QazAqparat.
«Balany kezekke qoiýǵa Artsport.Edu.kz platformasy arqyly elektrondy ótinish berý qajet. Kezek árbir shyǵarmashylyq úiirmege jeke qurylady. Kezektegi ótinish berý kúni men ýaqyty boiynsha dál sekýndqa deiin suryptalady. Munda esh jeńildik joq. Oryn aýystyrýǵa bolmaidy», - dedi spiker Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, kezek jaqyndaǵan kezde kún saiyn saǵat 18.00-de ár balaǵa avtomatty rejimde vaýcher beriledi.
Vaýcher – balaǵa berilgen biregei nómir, onda kórsetiletin qyzmettiń naqty jetkizýshisi, úiirmeniń túri men ornalasqan jeri kórsetiledi.
Bir bala shyǵarmashylyq, sport jáne bilim tapsyrysy sheńberinde eki ǵana sport sektsiiasyna nemese úiirmege qatysa alady.
Osylaisha bala 2 úiirmege, eki sport sektsiiasyna nemese 1 sektsiiaǵa jáne 1 úiirmege qatyssa, júie úshinshi ótinimin qabyldamaidy.
«Balaǵa vaýcher berilgen soń ol zańdy ókildiń elektrondy kabinetinde jáne ol tańdaǵan qyzmet kórsetýshide bir ýaqytta kórsetiledi. Vaýcherdiń qoldanylý merzimi 10 jumys kúni jáne uzartylmaidy. Osy ýaqyt ishinde vaýcherde kórsetilgen balanyń zańdy ókili jáne qyzmet kórsetýshi shart jasasady. Zańdy ókil osy kezeńde qyzmet kórsetýshiniń biliktiligin baǵalap, sheshim qabyldaýy úshin 2 synaq sabaǵynan ótýge quqyly», - dep túsindirdi K. Seiitova.
