"Qatyn azǵan zaman ba? Qatyndy azdyrtqan zaman ba?" - dep suraq qoiady bloger Rabiǵa Medet áleýmettik jelidegi óz paraqshasynda.
Rabiǵa Medet Túrkistanda eki balasyn tunshyqtyryp óltirgen anany qatań synǵa aldy. Aitýynsha, qazir ne bolsa, sony syltaýratyp, balasyn manipýliatsiia quralyna ainaldyrǵan analar kóbeidi. Tipti "posobiia" alyp otyrý úshin týatyndar sany da kóbeigenin tilge tiek etti.
"Toǵyz ai qursaǵynda kóterip, ómirge ákelgen eki balasyn tunshyqtyryp, óltirgen ana, qandai jan kúizeliste bolýy kerek? Qandai renishke býlyǵyp ashynýy kerek?
Baiyn qudaidai kórip, "ketseń ólem" deitin qatyndar, "kózime shóp saldyń" dep, balalaryn balkonnan laqtyratyndar, "jigitim tastap ketti" dep, sýitsid jasaityn qyzdar, ákesi qyzdaryn zorlaǵanyn bile tura, úndemeitin shesheler, "úilenbediń" dep, qoqysqa, ájethanaǵa náresteni tastaityndar…
Bul ne?
Qatyn azǵan zaman ba?
Qatyndy azdyrtqan zaman ba?
Nadandyqty qalai jeńemiz? Balany zat, menshik, manipýliatsiia, “posobiia” quraly retinde qabyldaityn qoǵamda bala ólimi, zorlyǵy azaimaidy!" - dep túiindedi bloger.
