Ishki ister ministrligi Núkenovanyń anasynyń “Bishimbaev bala qaǵyp ketken” degen sózine qatysty tekserý júrgiziletinin málimdedi, dep habarlaidy "Ult aqparat" Stan.kz aqparat agenttigine silteme jasap.
Ishki ister ministriniń orynbasary Igor Lepeha Núkenovanyń anasynyń sózderi nazardan tys qalmaǵanyn aitty.
"Ishki ister ministrligi barlyq faktiler boiynsha tekserý júrgizdi. Qazir tergeý bóliminiń bastyǵyna tapsyrma beremin. Eger bul fakti oryn alǵan bolsa, ony tekseremiz. Eger joq bolsa, men olarǵa qaraýdy buiyramyn, biraq is sotta. Sot bizge qosymsha uiǵarym shyǵarýy múmkin. Eger sot otyrysynda jańa mán-jailar týyndasa, olar bizge tergeýdi, tekserýdi tapsyrady", - dedi Lepeha.
Buǵan deiin sot otyrysynda Bishimbaev asa qatygezdikpen kisi óltirgenin moiyndamaitynyn aitqan edi. Sol sátte Saltanat Núkenovanyń anasy kózine jas alyp, búkil sot zalyna onyń áreketi týraly aitqan bolatyn.
"Men qyzymdy jerledim. Onyń júzin de kórmedim. Bulai aitýǵa qalai dátiń barady?! Ony birneshe saǵat boiy qinap óltirdi. Ótken ómiriń týraly aityp berýimdi qalaisyń ba? Balany qalai óltirdiń?”, – dedi Saltanattyń anasy.
