ٸشكٸ ٸستەر مينيسترلٸگٸ نٷكەنوۆانىڭ اناسىنىڭ “بيشٸمباەۆ بالا قاعىپ كەتكەن” دەگەن سٶزٸنە قاتىستى تەكسەرۋ جٷرگٸزٸلەتٸنٸن مەلٸمدەدٸ, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
ٸشكٸ ٸستەر مينيسترٸنٸڭ ورىنباسارى يگور لەپەحا نٷكەنوۆانىڭ اناسىنىڭ سٶزدەرٸ نازاردان تىس قالماعانىن ايتتى.
"ٸشكٸ ٸستەر مينيسترلٸگٸ بارلىق فاكتٸلەر بويىنشا تەكسەرۋ جٷرگٸزدٸ. قازٸر تەرگەۋ بٶلٸمٸنٸڭ باستىعىنا تاپسىرما بەرەمٸن. ەگەر بۇل فاكتٸ ورىن العان بولسا, ونى تەكسەرەمٸز. ەگەر جوق بولسا, مەن ولارعا قاراۋدى بۇيىرامىن, بٸراق ٸس سوتتا. سوت بٸزگە قوسىمشا ۇيعارىم شىعارۋى مٷمكٸن. ەگەر سوت وتىرىسىندا جاڭا مەن-جايلار تۋىنداسا, ولار بٸزگە تەرگەۋدٸ, تەكسەرۋدٸ تاپسىرادى", - دەدٸ لەپەحا.
بۇعان دەيٸن سوت وتىرىسىندا بيشٸمباەۆ اسا قاتىگەزدٸكپەن كٸسٸ ٶلتٸرگەنٸن مويىندامايتىنىن ايتقان ەدٸ. سول سەتتە سالتانات نٷكەنوۆانىڭ اناسى كٶزٸنە جاس الىپ, بٷكٸل سوت زالىنا ونىڭ ەرەكەتٸ تۋرالى ايتقان بولاتىن.
"مەن قىزىمدى جەرلەدٸم. ونىڭ جٷزٸن دە كٶرمەدٸم. بۇلاي ايتۋعا قالاي دەتٸڭ بارادى?! ونى بٸرنەشە ساعات بويى قيناپ ٶلتٸردٸ. ٶتكەن ٶمٸرٸڭ تۋرالى ايتىپ بەرۋٸمدٸ قالايسىڭ با? بالانى قالاي ٶلتٸردٸڭ?”, – دەدٸ سالتاناتتىڭ اناسى.
