Qazaqstandyq Dmitrii Balandin Tokio Olimpiadasynda 200 metrge brass ádisimen júzýde finalǵa shyǵa almady, - dep habarlaidy "Ult aqparat".
Jartylai finalda Balandin qashyqtyqty 2:09.22 ýaqytynda júrip ótti. Bul finalǵa shyǵýǵa jetkiliksiz boldy.
Balandin irikteý synynda 2:08,99 kórsetkishimen 7-inshi oryn alyp, jartylai finalǵa shyqqan edi.
25 jastaǵy Dmitrii Balandin - Almaty qalasynyń týmasy. 2016 jyly Rio Olimpiadasynyń 200 metrge brass ádisimen júzý jarysynda altyn medal ielengen. Odan bólek, 2014 jyly Aziia oiyndarynyń úsh dúrkin jeńimpazy atanǵan.
Eske salaiyq, buǵan deiin Balandin 100 metrge brass ádisimen júzýde birinshi kezeńnen óte almaǵan edi.
Aita keteiik, qazir Qazaqstan qorjynynda Tokio Olimpiadasynan úsh medal bar. Dziýdoshy Eldos Smetov, aýyratletter Igor Son men Zúlfiia Chinshanlo qola medal ielengen bolatyn.
