قازاقستاندىق دميتريي بالاندين توكيو وليمپياداسىندا 200 مەترگە براسس ەدٸسٸمەن جٷزۋدە فينالعا شىعا المادى, - دەپ حابارلايدى "ۇلت اقپارات".
جارتىلاي فينالدا بالاندين قاشىقتىقتى 2:09.22 ۋاقىتىندا جٷرٸپ ٶتتٸ. بۇل فينالعا شىعۋعا جەتكٸلٸكسٸز بولدى.
بالاندين ٸرٸكتەۋ سىنىندا 2:08,99 كٶرسەتكٸشٸمەن 7-ٸنشٸ ورىن الىپ, جارتىلاي فينالعا شىققان ەدٸ.
25 جاستاعى دميتريي بالاندين - الماتى قالاسىنىڭ تۋماسى. 2016 جىلى ريو وليمپياداسىنىڭ 200 مەترگە براسس ەدٸسٸمەن جٷزۋ جارىسىندا التىن مەدال يەلەنگەن. ودان بٶلەك, 2014 جىلى ازييا ويىندارىنىڭ ٷش دٷركٸن جەڭٸمپازى اتانعان.
ەسكە سالايىق, بۇعان دەيٸن بالاندين 100 مەترگە براسس ەدٸسٸمەن جٷزۋدە بٸرٸنشٸ كەزەڭنەن ٶتە الماعان ەدٸ.
ايتا كەتەيٸك, قازٸر قازاقستان قورجىنىندا توكيو وليمپياداسىنان ٷش مەدال بار. دزيۋدوشى ەلدوس سمەتوۆ, اۋىراتلەتتەر يگور سون مەن زٷلفييا چينشانلو قولا مەدال يەلەنگەن بولاتىن.
