Foto: gov.kz
Ǵylym jáne joǵary bilim ministri Saiasat Nurbek balalarynyń Qazaqstanǵa oralǵanyn jáne olardyń qarapaiym mektepte oqitynyn aitty, - dep habarlaidy Tengrinews.kz saity.
"Olar qazir Qazaqstanǵa keldi. Elde qarapaiym mektepte oqityn bolady. Qujattardy tapsyramyz, túrli nusqalardy qarastyramyz", - dedi ministr.
2022 jyldyń maýsym aiynda jýrnalister Saiasat Nurbekten balalarynyń nege Kiprde oqitynyn suraǵan.
"Olar Qazaqstanǵa qaityp keledi. Men sizge olardyń osynda ekendigi týraly egjei-tegjeili fotoreportaj beremin. Men olardy asyǵa kútemin. Kiprde oqýynyń sebepteri bar. Birinshiden, bul meniń áielim men balalarymnyń densaýlyǵyna bailanysty. Naqty problemalar bar. Ekinshiden, ókinishke qarai, olardy osynda, jekemenshik mektepterde qarjylyq turǵydan oqyta almadym", - dedi Saiasat Nurbek.
