Elimizde 500 myńǵa jýyq ustaz qyzmet etkennen keiin ártúrli másele bolyp turady. Bul týraly Bilim jáne ǵylym mtnistri Ashat Aimaǵambetov aitty, dep habarlaidy "Ult aqparat".
«Elimizde 500 myńǵa jýyq muǵalim qyzmet etken soń ártúrli másele bolyp turady. Mysaly bizdiń keibir áriptesterimiz búgin bergen tapsyrmalardy bir saǵat ishinde oryndap, keri bailanys jasaý kerektigi týraly tapsyrma bergen eken. Osyndai jaǵdailardy da estip jatyrmyz. Bul nárseni biz qoldamaimyz, sebebi durys emes. Balalarǵa tapsyrmany oryndaýǵa ýaqyt berýimiz kerek. Ol tapsyrmany jaqsylap túsinip, jaqsylap oqyp baryp keri bailanys ornatý qajet. Asyǵatyn eshteńe joq. Bul máselege áriptesterimizdiń nazaryn taǵy bir aýdarǵym keledi», - deidi ministr.
Ol eshqandai esep qajet emes ekenin aitty.
«Biz tiisti buiryqty qabyldadyq. Buiryq boiynsha bilim bólimderinen de, bilim basqarmalarynan da, mektepterden de, muǵalimderden de eshqandai esep talap etilmeýi kerek. Barlyq aqparatty internet júiesinen ózimiz alyp otyramyz. Muǵalimderden, ata-analardan esep talap etýdi toqtatý boiynsha is-shara qoldandyq. Ár muǵalim, mektep basshysy qalai jumys isteý kerek ekenin jaqsy biledi, sondyqtan esep talap etilmeidi, eshqandai tekseris júrgizilmeidi», - deidi Ashat Aimaǵambetov.
