Balalarǵa qatysty jynystyq sipattaǵy qylmys jasaǵandarǵa raqymshylyq bolmaýy tiis. Bul týraly búgin Qazaqstan halqyna Joldaýyn jariia etken QR Prezidenti Qasym-Jomart Toqaev aitty, dep habarlaidy "Ult aqparat".
«Balalardyń qaýipsizdigi jáne quqyqtaryn qorǵaý máselesine airyqsha nazar aýdarý qajet. Biz kámelettik jasqa tolmaǵandarǵa qatysty jynystyq sipattaǵy áreketter úshin qylmystyq jaýapkershilikti kúsheittik. Biraq, problema ótkir qalyp otyr. Mundai qylmyskerler raqymshylyqqa jáne merziminen buryn bosaý quqyǵynsyz barynsha qatań jazalaýǵa laiyqty. Olar barynsha qaýipsiz mekemelerde ustalýy tiis», - dedi Memleket basshysy.
QR Prezidenti mundai árbir is prokýratýra organdarynyń airyqsha baqylaýynda bolýy tiistigin basa aitty.
«Áleýmettik jáne quqyq qorǵaý organdary tarapynan áreketsizdik nemese nemquraily qarym-qatynas qatań jazalanýy qajet», - dedi Qasym-Jomart Toqaev.
