Búgin Májilistiń jalpy otyrysynda depýtat Maqsat Ramanqulov Premer-Ministrdiń orynbasary Eraly Toǵjanov «Aqjol» demokratiialyq partiiasynyń atynan mektep jasyndaǵy balalarǵa arnalǵan qala syrtyndaǵy, jazǵy, saýyqtyrý lagerlerin ýaqtyly ashý týraly ótinishpen júginip otyrǵanyn aityp, depýtattyq saýal joldady, dep habarlaidy "Ult aqparat".
Onyń aitýynsha, jergilikti bilim berý jáne densaýlyq saqtaý organdaryna jiberiletin suraqtar, kóbinese, jaýapsyz qalady, al balalardyń jazǵy demalysyna deiin bir aptadan aspaityn ýaqyt qalyp otyr.
«2020 jyly elimizde saýyqtyrý naýqany koronavirýs pandemiiasynyń saldarynan birneshe ret keiinge qaldyryldy. Sonyń nátijesinde lagerler sol qalpynda ashylmai qaldy.
Ekonomikanyń osy sektoryndaǵy shaǵyn jáne orta biznes ózderine bólingen qysqa merzimde balalardyń qala syrtyndaǵy demalysy men bos ýaqytyn uiymdastyrý úshin qolaily jaǵdailardyń týyndaýyn ekinshi jyl qatarynan shydamdylyqpen kútýde.
Ashylý kúniniń belgisiz bolýy osy saladaǵy kásiporyndardyń negizsiz shyǵyndaryna alyp keledi. Balalarǵa arnalǵan lagerler ashylýyn kútken kezde infraqurylymnyń qajetti profilaktikalyq jai-kúiin únemi ustap turýǵa, ýaqytsha personalǵa jalaqy tóleýge, kommýnaldyq shyǵyndardy kóterýge májbúr bolady», delingen saýalda.
Maqsat Ramanqulovtyń aitýynsha, balalarǵa arnalǵan lagerlerdiń memleket tarapynan dotatsiialary joq ekenin de eskerý qajet, maýsym – qyrkúiek aralyǵyndaǵy jazǵy kezeńde úsh ai jumys isteý úshin ǵana olar keshenderin jyl boiy rejimde kútip-ustaýdy ózderi qamtamasyz etedi.
«Bul jerde osy biznestiń menshik ieleri, basshylar, tárbieshiler jáne qyzmeti ynta-jigermen shektesetin ózge de personal tulǵasynda jazǵy bos ýaqyt pen demalysty uiymdastyrýshylarymyzǵa alǵys aityp, balalarǵa degen erekshe súiispenshiligin atap ótý kerek.
Balalarǵa arnalǵan jazǵy mekemelerdi ýaqtyly ashý maqsatynda bos ýaqytty uiymdastyrý mekemeleriniń jumyskerlerin tolyq vaktsinatsiialaýǵa deiin pandemiia kezeńinde qyzmet boiynsha biryńǵai ólshemsharttar men talaptardy barynsha qysqa merzimde retteý qajet, sondai-aq biznestiń osy túrin memlekettik qoldaý da artyq bolmas edi», - deidi Maqsat Ramanqulov.
Depýtat Reseidi mysal retinde aityp ótti, ol elde biyl balalarǵa arnalǵan 545 lager ashylady, úkimet deńgeiinde balalar týrizmin qoldaý jónindegi baǵdarlamalar ázirlengen.
«Máselen, balalarǵa arnalǵan týristik keshbek baǵdarlamasy iske qosyldy, onda ata-analar balalarǵa arnalǵan lagerlerge joldamalardy búkil el boiynsha satyp ala alyp, bes kún ishinde joldama qunynyń 50% aqshalai qarajatyn avtomatty túrde tólem kartasyna qaitara alady, bul, saiyp kelgende, joldamalarǵa degen suranysty arttyryp, demalys oryndaryn balalar kontingentimen toltyrady, al bizdiń bul segmenttegi salamyz qaraýsyz qaldy dese bolady.
«Aq jol» QDP depýtattyq fraktsiiasy atalǵan problemaǵa nazar aýdarý qajet dep esepteidi jáne balalarǵa arnalǵan jazǵy saýyqtyrý mekemeleriniń jumysyn ýaqtyly qaita bastaý múmkindigin qarap, sondai-aq joǵaryda atalǵan biznes sanattarynyń barlyq sýbektilerine biryńǵai ólshemsharttar men birdei jumys isteý talaptaryn ázirleýdi suraidy», delingen saýalda.
