Balalarǵa arnalǵan qosymsha sport mekemeleri jetkiliksiz. QR Bilim jáne ǵylym vitse-ministri Sholpan Karinova aitty, dep habarlaidy "Ult aqparat".
«Birinshiden, balalardyń basym kópshiligi mekteptiń jaǵdaiyndaǵy sportpen ainalysady. Jalpy, Qazaqstandaǵy 3,4 mln oqýshy úshin aptasyna úsh saǵattyq dene shynyqtyrý sabaǵy qoljetimdi, iaǵni balalardyń densaýlyǵyn eskere otyryp, úsh saǵatty qamtydyq. Ekinshiden, sportpen sektsiialarda ainalysý máselesine toqtalsaq, balalalar jáne jasóspirimderdiń sport mektepteriniń sany jetkiliksiz ekenin atap ótti. Sondyqtan 965 myń bala mekteptiń janyndaǵy sport sektsiiasyna barady. Óitkeni olarǵa qosymsha bilim (sport) mekemeleri qoljetimdi emes. Osy oraida basym jumysty mekteptegi dene shynyqtyrý muǵalimderi júrgizip jatyr», - dedi Karinova Májilistiń Áleýmettik-mádeni damý komitetiniń keńeitilgen otyrsynda.
Onyń aitýynsha, mektepterdiń ishindegi sport sektsiialarynyń sany 45 myńnan asady.
«Al naqty sport mekemelerine toqtalsaq, olardyń sany - 435. Ol jerde 346 myńnan astam ǵana bala qamtylǵan. Bul óz kezeginde jetkiliksiz», - dedi vitse-ministr.
