بالالارعا ارنالعان قوسىمشا سپورت مەكەمەلەرٸ جەتكٸلٸكسٸز. قر بٸلٸم جەنە عىلىم ۆيتسە-مينيسترٸ شولپان كارينوۆا ايتتى, دەپ حابارلايدى "ۇلت اقپارات".
«بٸرٸنشٸدەن, بالالاردىڭ باسىم كٶپشٸلٸگٸ مەكتەپتٸڭ جاعدايىنداعى سپورتپەن اينالىسادى. جالپى, قازاقستانداعى 3,4 ملن وقۋشى ٷشٸن اپتاسىنا ٷش ساعاتتىق دەنە شىنىقتىرۋ ساباعى قولجەتٸمدٸ, ياعني بالالاردىڭ دەنساۋلىعىن ەسكەرە وتىرىپ, ٷش ساعاتتى قامتىدىق. ەكٸنشٸدەن, سپورتپەن سەكتسييالاردا اينالىسۋ مەسەلەسٸنە توقتالساق, بالالالار جەنە جاسٶسپٸرٸمدەردٸڭ سپورت مەكتەپتەرٸنٸڭ سانى جەتكٸلٸكسٸز ەكەنٸن اتاپ ٶتتٸ. سوندىقتان 965 مىڭ بالا مەكتەپتٸڭ جانىنداعى سپورت سەكتسيياسىنا بارادى. ٶيتكەنٸ ولارعا قوسىمشا بٸلٸم (سپورت) مەكەمەلەرٸ قولجەتٸمدٸ ەمەس. وسى ورايدا باسىم جۇمىستى مەكتەپتەگٸ دەنە شىنىقتىرۋ مۇعالٸمدەرٸ جٷرگٸزٸپ جاتىر», - دەدٸ كارينوۆا مەجٸلٸستٸڭ ەلەۋمەتتٸك-مەدەني دامۋ كوميتەتٸنٸڭ كەڭەيتٸلگەن وتىرسىندا.
ونىڭ ايتۋىنشا, مەكتەپتەردٸڭ ٸشٸندەگٸ سپورت سەكتسييالارىنىڭ سانى 45 مىڭنان اسادى.
«ال ناقتى سپورت مەكەمەلەرٸنە توقتالساق, ولاردىڭ سانى - 435. ول جەردە 346 مىڭنان استام عانا بالا قامتىلعان. بۇل ٶز كەزەگٸندە جەتكٸلٸكسٸز», - دەدٸ ۆيتسە-مينيستر.
