Balalarymyz búkil videony oryssha kóredi. Qazaqtildi otbasynda ósip jatsa da, tili oryssha shyǵyp jatyr. Nege?
YouTube-te qazaqsha ári qyzyqty kontent joq. Balalardy qyzyqtyratyn video tek basqa tilde.
Feisbýkten oqyp júrgenimdei, bul óte kóp otbasynyń problemasyna ainaldy. Keibir ata-ana onsha mán bermei júrgen shyǵar, biraq bul - úlken problema.
Aitamyz da, qoiamyz. Endi áreket etý kerek. Úkimet aralaspasa, qoldaý bolmasa, bul usynys ta dalada qalýy múmkin. Tutas orystildi urpaq ósip keledi. Sondyqtan oǵan qarsy kúres retinde 10 bastama kóterip otyrmyn.
1. Búldirshinderdi qyzyqtyratyn mýzykalyq, balalarǵa arnalǵan qazaqsha ánmen kórkemdelgen tanymdyq videolar kerek.
2. Balalardy tárbielep jatqan (moiyndaý kerek) osy video jazbalardy daiyndaityn arnaiy bir stýdiia ashylýy tiis.
3. Qazaqtildi animatorlar kóbeiýi kerek. Oiyn arqyly til úirený ońaiyraq.
4. Qýyrshaq teatrynyń artisteri mýzykalyq, qyzyqty qoiylymdaryn YouTube arnasyna shyǵarsa, balalardy baýlityn video kontent jasasa durys bolady.
5. Balalarǵa arnalǵan qyzyqty, jeńil stsenariiler jazylsa. Baiqaý arqyly úzdik jazbalar tańdalyp, qysqa video-jazbalar bolsa.
6. Oiynshyq satatyn dúkender men oiyn-saýyq alańdary YouTube-ke shyǵatyn akterler nemese ata-analar arqyly jarnama jasap, ónimderin sata alatyn edi. Balalar negizinen osyndai video jazbalardy qaraidy.
7. Búldirshinder ǵana emes, búkil balalar video podkasttardy oryssha kóredi. Bul degen búkil urpaqty óz tilinen aiyryp jatyr. Qazaqsha oilai almaityn býyn ósip keledi. Qazaqtildi vainer-iýtiýberlerdi daiyndaý kerek.
8. Osy usynystardy bilik basyna jetkizip, arnaiy jumys toby qurylyp, bala tárbiesine qazir mán berýimiz kerek. "Balaǵa planshet berme, kompiýter qaratpa", dep shekteitin zaman emes, qarasyn. Tek shekteýli ýaqyt jáne óz tilinde qaraýy tiis. Tili qazaqsha shyǵyp, óz tilinde oilaýy qajet.
9. Eldegi kinoteatrlar qazaqsha mýltfilmderdiń kórsetilimin kóbeitýi kerek. Sońǵy animatsiia - "Muzdy ólkeniń" kórsetilimi kúnine kóp degende 2-ret qana, orysshasy ár saǵat saiyn ótip jatyr. Keibir kinoteatrlar múlde qazaqsha kórsetken joq. Barlyq mýltfilmder qazaqsha dybystalýy tiis.
10. Bul másele tek ana tiliniń bolashaǵyn oilaityndar men balanyń keleshegine alańdaityndar úshin ǵana emes, kúlli qazaqstandyqtar basymdyq berýi kerek jaǵdai.
Úkilai Bestaidyń áleýmettik jelidegi paraqshasynan
