بالالارىمىز بٷكٸل ۆيدەونى ورىسشا كٶرەدٸ. قازاقتٸلدٸ وتباسىندا ٶسٸپ جاتسا دا, تٸلٸ ورىسشا شىعىپ جاتىر. نەگە?
YouTube-تە قازاقشا ەرٸ قىزىقتى كونتەنت جوق. بالالاردى قىزىقتىراتىن ۆيدەو تەك باسقا تٸلدە.
فەيسبۋكتەن وقىپ جٷرگەنٸمدەي, بۇل ٶتە كٶپ وتباسىنىڭ پروبلەماسىنا اينالدى. كەيبٸر اتا-انا ونشا مەن بەرمەي جٷرگەن شىعار, بٸراق بۇل - ٷلكەن پروبلەما.
ايتامىز دا, قويامىز. ەندٸ ەرەكەت ەتۋ كەرەك. ٷكٸمەت ارالاسپاسا, قولداۋ بولماسا, بۇل ۇسىنىس تا دالادا قالۋى مٷمكٸن. تۇتاس ورىستٸلدٸ ۇرپاق ٶسٸپ كەلەدٸ. سوندىقتان وعان قارسى كٷرەس رەتٸندە 10 باستاما كٶتەرٸپ وتىرمىن.
1. بٷلدٸرشٸندەردٸ قىزىقتىراتىن مۋزىكالىق, بالالارعا ارنالعان قازاقشا ەنمەن كٶركەمدەلگەن تانىمدىق ۆيدەولار كەرەك.
2. بالالاردى تەربيەلەپ جاتقان (مويىنداۋ كەرەك) وسى ۆيدەو جازبالاردى دايىندايتىن ارنايى بٸر ستۋدييا اشىلۋى تيٸس.
3. قازاقتٸلدٸ انيماتورلار كٶبەيۋٸ كەرەك. ويىن ارقىلى تٸل ٷيرەنۋ وڭايىراق.
4. قۋىرشاق تەاترىنىڭ ارتيستەرٸ مۋزىكالىق, قىزىقتى قويىلىمدارىن YouTube ارناسىنا شىعارسا, بالالاردى باۋليتىن ۆيدەو كونتەنت جاساسا دۇرىس بولادى.
5. بالالارعا ارنالعان قىزىقتى, جەڭٸل ستسەنارييلەر جازىلسا. بايقاۋ ارقىلى ٷزدٸك جازبالار تاڭدالىپ, قىسقا ۆيدەو-جازبالار بولسا.
6. ويىنشىق ساتاتىن دٷكەندەر مەن ويىن-ساۋىق الاڭدارى YouTube-كە شىعاتىن اكتەرلەر نەمەسە اتا-انالار ارقىلى جارناما جاساپ, ٶنٸمدەرٸن ساتا الاتىن ەدٸ. بالالار نەگٸزٸنەن وسىنداي ۆيدەو جازبالاردى قارايدى.
7. بٷلدٸرشٸندەر عانا ەمەس, بٷكٸل بالالار ۆيدەو پودكاستتاردى ورىسشا كٶرەدٸ. بۇل دەگەن بٷكٸل ۇرپاقتى ٶز تٸلٸنەن ايىرىپ جاتىر. قازاقشا ويلاي المايتىن بۋىن ٶسٸپ كەلەدٸ. قازاقتٸلدٸ ۆاينەر-يۋتيۋبەرلەردٸ دايىنداۋ كەرەك.
8. وسى ۇسىنىستاردى بيلٸك باسىنا جەتكٸزٸپ, ارنايى جۇمىس توبى قۇرىلىپ, بالا تەربيەسٸنە قازٸر مەن بەرۋٸمٸز كەرەك. "بالاعا پلانشەت بەرمە, كومپيۋتەر قاراتپا", دەپ شەكتەيتٸن زامان ەمەس, قاراسىن. تەك شەكتەۋلٸ ۋاقىت جەنە ٶز تٸلٸندە قاراۋى تيٸس. تٸلٸ قازاقشا شىعىپ, ٶز تٸلٸندە ويلاۋى قاجەت.
9. ەلدەگٸ كينوتەاترلار قازاقشا مۋلتفيلمدەردٸڭ كٶرسەتٸلٸمٸن كٶبەيتۋٸ كەرەك. سوڭعى انيماتسييا - "مۇزدى ٶلكەنٸڭ" كٶرسەتٸلٸمٸ كٷنٸنە كٶپ دەگەندە 2-رەت قانا, ورىسشاسى ەر ساعات سايىن ٶتٸپ جاتىر. كەيبٸر كينوتەاترلار مٷلدە قازاقشا كٶرسەتكەن جوق. بارلىق مۋلتفيلمدەر قازاقشا دىبىستالۋى تيٸس.
10. بۇل مەسەلە تەك انا تٸلٸنٸڭ بولاشاعىن ويلايتىندار مەن بالانىڭ كەلەشەگٸنە الاڭدايتىندار ٷشٸن عانا ەمەس, كٷللٸ قازاقستاندىقتار باسىمدىق بەرۋٸ كەرەك جاعداي.
ٷكٸلاي بەستايدىڭ ەلەۋمەتتٸك جەلٸدەگٸ پاراقشاسىنان
