Foto: belta.by
Qaraǵandy oblysynda balalardyń ýlanýyna qatysty sotqa deiingi tergeý bastaldy, dep habarlaidy "Ult aqparat" Bas prokýratýranyń baspasóz qyzmetine silteme jasap.
31 shildede «Qaraǵandy oblysynyń balalarǵa arnaýly áleýmettik qyzmetter kórsetý ortalyǵy» KMM-de balalardyń tamaqtan ýlaný faktisi boiynsha Qylmystyq kodekstiń 304-baby 2-bóligi (aýyr zardaptarǵa ákep soqtyrǵan sanitarlyq erejelerdi nemese gigienalyq normativterdi buzý) boiynsha sotqa deiingi tergeý bastaldy.
Qylmystyq is Qaraǵandy oblysy prokýratýrasynyń arnaiy prokýrorlarynyń óndirisine qabyldandy.
Quqyq qorǵaý jáne arnaiy organdardyń tájiribeli qyzmetkerleri jumyldyrylyp, vedomstvoaralyq jedel-tergeý toby quryldy. Tiisti saraptamalar taǵaiyndaldy" - delingen habarlamada.
Vedomstvo málimetinshe, tergeý sheńberinde jaýapty laýazymdy tulǵalardyń is-áreketterine tiisti quqyqtyq baǵa beriledi.
"Elimizde jetim balalarǵa, ata-anasynyń qamqorlyǵynsyz qalǵan balalarǵa, sondai-aq múmkindigi shekteýli balalarǵa arnaýly meditsinalyq-áleýmettik qyzmet kórsetetin 84 mekeme bar (37 balalarǵa arnaýly meditsinalyq-áleýmettik qyzmet kórsetý ortalyǵy, 47 balalar úii, sondai-aq 2959 balany qamtityn otbasyn qoldaý ortalyqtary).
Bas prokýratýra ýákiletti memlekettik organdar men aýmaqtyq prokýrorlarǵa atalǵan mekemelerdi keshendi tekserýdi uiymdastyrýdy tapsyrdy" - delingen habarlamada.
