foto: Halyq Uni
Qarjy vitse-ministri Dáýren Temirbekov ata-analar Ulttyq qordyń investitsiialyq kirisinen balalardyń shotyna aýdarylatyn aqshany baqylai alatynyn aitty, dep habarlaidy Sputnik Qazaqstan.
Onyń aitýynsha, kámeletke tolmaǵan qazaqstandyqtarǵa birdei somada aqsha aýdarylady. Sondai-aq ár ata-ana shotta qansha jinalǵanyn kóre alady.
"Baǵdarlama operatory retinde Biryńǵai jinaqtaýshy zeinetaqy qory bekitilip otyr. Shottaǵy aqshany qordyń resmi saitynan qaraýǵa bolady. Sonymen qatar, ádilet ministrligimen eGov Mobile mobildi qosymshasy arqyly da kórýge múmkindik berý máselesin pysyqtap jatyrmyz", - dedi Temirbekov Senat kýlýarynda.
BJZQ-nyń da óz qosymshasy bar. Biz bul máseleni ártúrli qoljetimdi qosymshada pysyqtaimyz degen oidamyn, dep tolyqtyrdy vitse-ministr.
Aita keteri, "Ulttyq qor – balalarǵa" jobasy kelesi jyly bastalady. Baǵdarlama aiasynda Ulttyq qordyń investitsiialyq tabysynyń elý paiyzy 18 jasqa deiingi balalardyń arnaiy shotyna aýdarylady.
Qarajatty kámeletke tolǵannan keiin ǵana paidalanýǵa bolady. Ázirge qarajatty oqýǵa nemese baspana satyp alýǵa jumsaý kózdelip otyr.
Úkimettiń boljamy boiynsha 18 jasqa deiingi qazaqstandyqtyń shotyna jyl saiyn 150-160 AQSh dollary túsedi.
