Egov.kz portalynda 18 jasqa deiingi balalarǵa arnalǵan múgedektikti rastaýdyń onlain qyzmeti qoljetimdi, dep habarlaidy "Ult aqparat" «Eńbek resýrstaryn damytý ortalyǵy» AQ baspasóz qyzmetine silteme jasap.
«Eńbek resýrstaryn damytý ortalyǵy» AQ erekshe qajettiligi bar balalardyń ata-analaryna «Azamattarǵa arnalǵan úkimet» memlekettik korporatsiiasy» KEAQ halyqqa qyzmet kórseti ortalyqtaryna barmai, 18 jasqa deiingi balanyń múgedektigi týraly aqparatty onlain alýǵa múmkindik berdi.
Jańa qyzmet egov.kz elektrondyq úkimet portalynyń «Áleýmettik qamsyzdandyrý» – «Múgedekterdi qoldaý» bóliminde qoljetimdi. Jańa fýnktsiiany ETsQ nemese bir rettik parol kómegimen paidalanýǵa bolady.
«Buryn portal arqyly múgedektikti rastaityn qujatty eresekter ǵana ala alatyn, al múgedektigi bar kámeletke tolmaǵan balanyń ata-analary rastaý alý úshin halyqqa qyzmet kórsetý ortalyqtaryna baratyn. Jańa qyzmet bul protsesti edáýir jeńildetedi jáne jedeldetedi », – deidi ERDO Múgedektikti belgileý jáne áleýmettik qyzmetterdi kórsetý boiynsha AJ damytý jáne súiemeldeý departamentiniń direktory Serik Toǵyzbai.
