Balalar men jasóspirimderdiń kitap oqýyn qoldaý jylyn 2023 jylǵa deiin jalǵastyrý sheshimi qabyldandy, dep habarlaidy QazAqparat.
Balalar ádebieti jyly aiasynda Mádeniet jáne sport ministrligi memlekettik tapsyryspen shyǵarǵan 40 kitapty tanystyrǵan edi.
«Basylyp shyqqan ádebietterdiń 34-i – otandyq qalamgerler týyndysy bolsa, altaýy – álem balalar ádebietiniń aýdarmalary. Atap aitqanda, otandyq tanymal avtorlar Aqseleý Seidimbek, Gerold Belger, Nesipbek Ait, Sháken Kúmisbaiuly, Orazaqyn Asqar, Salyqbai Ábdildábek, Naǵashybek Qapalbekuly, Serik Baiqonov, Serik Qaliuly, Zaria Jumanova jáne basqa da talantty avtorlardyń shyǵarmalary. Aýdarma ádebiet arasynda japon balalar ádebieti de bar.
Osyndai oń bastamalardy jalǵastyrý maqsatynda Balalar men jasóspirimderdiń kitap oqýyn qoldaý jylyn 2023 jylǵa deiin jalǵastyrý týraly sheshim qabyldandy. Bul bastamalar balalar men jasóspirimder ádebietiniń klassikalyq jazýshylary – Berdibek Soqpaqbaev, Saiyn Muratbekov, Sansyzbai Sarǵasqaev syndy búgingi kúnniń balalar ádebieti jazýshylarynyń qalyptasatynyna yqpal etetinine zor senimdemiz. Búgin tusaýy kesilgen jinaqtar balalar men jasóspirimder arasynda kitap oqý mádenieti men belsendiligin arttyryp, kitap oqý mártebesin kóteredi dep esepteimiz», - dedi QR Mádeniet jáne sport ministri Aqtoty Raiymqulova elordadaǵy QR Ulttyq akademiialyq kitaphanasyndaǵy tusaýkeserde.
Kitaptar arnaiy logotippen jáne 120 myń tirajben basylǵan jáne elimizdiń barlyq óńirindegi kitaphanalarǵa taratylǵan.
Jalpy Balalar ádebieti jyly aiasynda ministrlik qoǵamdyq mańyzy bar 168 ádebietti 492 myń danamen basyp shyǵarǵan jáne taratqan.
