بالالار مەن جاسٶسپٸرٸمدەردٸڭ كٸتاپ وقۋىن قولداۋ جىلىن 2023 جىلعا دەيٸن جالعاستىرۋ شەشٸمٸ قابىلداندى, دەپ حابارلايدى قازاقپارات.
بالالار ەدەبيەتٸ جىلى اياسىندا مەدەنيەت جەنە سپورت مينيسترلٸگٸ مەملەكەتتٸك تاپسىرىسپەن شىعارعان 40 كٸتاپتى تانىستىرعان ەدٸ.
«باسىلىپ شىققان ەدەبيەتتەردٸڭ 34-ٸ – وتاندىق قالامگەرلەر تۋىندىسى بولسا, التاۋى – ەلەم بالالار ەدەبيەتٸنٸڭ اۋدارمالارى. اتاپ ايتقاندا, وتاندىق تانىمال اۆتورلار اقسەلەۋ سەيدٸمبەك, گەرولد بەلگەر, نەسٸپبەك ايت, شەكەن كٷمٸسبايۇلى, ورازاقىن اسقار, سالىقباي ەبدٸلدەبەك, ناعاشىبەك قاپالبەكۇلى, سەرٸك بايقونوۆ, سەرٸك قاليۇلى, زاريا جۇمانوۆا جەنە باسقا دا تالانتتى اۆتورلاردىڭ شىعارمالارى. اۋدارما ەدەبيەت اراسىندا جاپون بالالار ەدەبيەتٸ دە بار.
وسىنداي وڭ باستامالاردى جالعاستىرۋ ماقساتىندا بالالار مەن جاسٶسپٸرٸمدەردٸڭ كٸتاپ وقۋىن قولداۋ جىلىن 2023 جىلعا دەيٸن جالعاستىرۋ تۋرالى شەشٸم قابىلداندى. بۇل باستامالار بالالار مەن جاسٶسپٸرٸمدەر ەدەبيەتٸنٸڭ كلاسسيكالىق جازۋشىلارى – بەردٸبەك سوقپاقباەۆ, سايىن مۇراتبەكوۆ, سانسىزباي سارعاسقاەۆ سىندى بٷگٸنگٸ كٷننٸڭ بالالار ەدەبيەتٸ جازۋشىلارىنىڭ قالىپتاساتىنىنا ىقپال ەتەتٸنٸنە زور سەنٸمدەمٸز. بٷگٸن تۇساۋى كەسٸلگەن جيناقتار بالالار مەن جاسٶسپٸرٸمدەر اراسىندا كٸتاپ وقۋ مەدەنيەتٸ مەن بەلسەندٸلٸگٸن ارتتىرىپ, كٸتاپ وقۋ مەرتەبەسٸن كٶتەرەدٸ دەپ ەسەپتەيمٸز», - دەدٸ قر مەدەنيەت جەنە سپورت مينيسترٸ اقتوتى رايىمقۇلوۆا ەلورداداعى قر ۇلتتىق اكادەمييالىق كٸتاپحاناسىنداعى تۇساۋكەسەردە.
كٸتاپتار ارنايى لوگوتيپپەن جەنە 120 مىڭ تيراجبەن باسىلعان جەنە ەلٸمٸزدٸڭ بارلىق ٶڭٸرٸندەگٸ كٸتاپحانالارعا تاراتىلعان.
جالپى بالالار ەدەبيەتٸ جىلى اياسىندا مينيسترلٸك قوعامدىق ماڭىزى بار 168 ەدەبيەتتٸ 492 مىڭ دانامەن باسىپ شىعارعان جەنە تاراتقان.
