Foto: dknews.kz
QR Densaýlyq saqtaý ministrligi meditsinalyq qyzmetterdi tsifrlandyrý boiynsha jumystyń sheńberinde balanyń densaýlyq pasportyn elektrondyq formatqa kóshirý jobasyn ázirledi.
Ata-analar bul qujatty birinshi synypqa túsken kezde mindetti túrde mektepke usynady. Bul – jyl saiyn 380 myńnan astam bala.
Balanyń densaýlyq pasporty densaýlyqty nyǵaitýǵa, aýrýlardyń aldyn alýǵa jáne kishkentai patsientterdi emdeýge baǵyttalǵan profilaktikalyq is-sharalar týraly aqparatty qamtityn negizgi qujat bolyp tabylady.
Bul qujatty qaǵaz júzinde júrgizý kóbinese onyń joǵalýyna nemese ózekti derekterdi joǵaltyp alýǵa, emhanalarda uzaq kútýge ákeldi. Osy problemalarǵa jaýap retinde Densaýlyq saqtaý ministrligi Oqý-aǵartý ministrligimen birlesip, balanyń densaýlyq pasportyn elektrondyq formatqa aýystyrýǵa kiristi.
Densaýlyq saqtaý ministrliginiń aqparattyq júielerin testileý kezinde balanyń 72 elektrondyq densaýlyq pasporty (052-2/e nysany) qalyptastyryldy. EGov Mobile-men elektrondyq pasportty integratsiialaý protsesiniń aiaqtalýynyń josparlanǵan kúni – 2024 jylǵy tamyz.
Ata-analar úshin elektrondyq pasportty engizý qaǵazbastylyqty azaitýdy jáne eGov Mobile jáne eDensaulyq elektrondyq qyzmetteri arqyly balalarynyń densaýlyǵy týraly aqparatqa yńǵaily qol jetkizýdi bildiredi.
Bilim berý mekemeleri oqýshylardyń densaýlyq jaǵdaiy týraly ózekti derekterdi jedel ala alady. Olar emhanalarda meditsinalyq qarap-tekserýden keiin avtomatty túrde beriletin bolady.
