Kámeletke tolmaǵan balany qorlady degen kúdikpen izdeýde júrgen Tájikstan azamaty Almatyda ustaldy, dep habarlaidy "Ult aqparat".
Almatynyń kóshi-qon qyzmetiniń málimetinshe, «Kelimsek» is-sharasy kezinde aýyr qylmys jasaǵany úshin óz Otanynda izdeýde júrgen shetel azamaty ustaldy.
«Jedel-izdestirý is-sharalaryn júrgizý kezinde qalalyq kriminaldyq politsiia qyzmetkerleri bizdiń bólimniń ókilderimen birge Tájikstan Respýblikasynyń azamaty, Gissar qalasynyń turǵyny - 1995 jyly týǵan M. esimdi azamatty ustady. Er adam 2017 jyldan beri Gissar aýdandyq IIMO-men Tájikstan Respýblikasynyń QK-niń 141-baby 2-bóligi - kámeletke tolmaǵandardy qorlaý boiynsha qylmys jasaǵany úshin izdestirilip jatqany anyqtaldy. Ustalǵan adamdy ekstraditsiialaý máselesi halyqaralyq sharttarǵa sáikes sheshiledi», - dedi Almaty qalalyq Politsiia departamenti kóshi-qon qyzmeti basqarmasynyń bastyǵy Ashat Býtýnchinov.
Tiisti qoǵamdyq tártipti saqtaý, sheteldikterdiń Qazaqstan Respýblikasynda bolý erejelerin buzý faktilerin anyqtaýǵa baǵyttalǵan «Kelimsek» jalpyrespýblikalyq jedel-aldyn alý sharasy 16 maýsymǵa deiin jalǵasady.
