Eki aidyń ishinde balalardy 1-synypqa qabyldaýǵa 250 myńnan astam ótinish tústi. Onyń ishinde balalardyń 70,5%-y memlekettik tilde oqýdy tańdaǵan, dep habarlaidy BǴM baspasóz qyzmeti.
Birinshi synypqa ótinishterdi qabyldaý 1 sáýirde bastalyp, 1 tamyzǵa deiin jalǵasady. Azamattarǵa yńǵaily bolý úshin qyzmet avtomattandyryldy.
Qujattardy qabyldaý egov.kz portaly arqyly júrgizilip jatyr. Sondai-aq ata-analardyń ótinishi boiynsha qujattardy dástúrli qaǵaz formatynda da tapsyrýǵa bolady.
«Qujattardy qabyldaý shtattyq rejimde júrip jatyr. Osy rette qujattardy tapsyrýda ata-analardyń belsendiligin baiqaýǵa bolady. Biyl memlekettik tilde bilim alǵysy keletin 1-synyp balalary kóbeidi. Qazaq tilinde oqityn synyptarǵa qabyldaýdyń eń joǵary kórsetkishi Mańǵystaý (91%), Qyzylorda (91,5%), Jambyl (82,2%) jáne Atyraý (80,1%) oblystarynda tirkeldi», - dedi QR BǴM Mektepke deiingi jáne orta bilim komitetiniń tóraǵasy Gúlmira Kárimova.
Jańa oqý jylynda 1-synypqa barlyǵy 400 myńnan astam qazaqstandyq bala barady dep kútilip otyr.
