Búgin Taldyqorǵan qalasyndaǵy S.Seifýllin atyndaǵy oblystyq ámbebap kitaphanada balalar jazýshysy Rima Ábiqaevanyń balalarǵa arnalǵan kitaptarynyń tusaýkeseri bolyp, mektep oqýshylarymen jyly júzdesýi ótkizildi. Sharaǵa oblys ákiminiń birinshi orynbasary Lazzat Turlashov qatysty.
Aldymen sóz alǵan Lazzat Turlashov elimizde balalardyń bilim alýy men tárbiesine jasalyp otyrǵan jaǵdailar, balalar ádebietiniń urpaq tárbiesindegi róli jaily qysqasha baiandap, jazýshynyń jetisýlyq balǵyndarmen kezdesýine sáttilik tiledi.
Rima Ábiqaeva Taldyqorǵanǵa kelgendegi maqsatyna toqtalyp, balalarǵa ertegi oqyp berdi. Erteginiń mazmunyna bailanysty arnaiy jasalǵan sýretti bezendirýler teleekranda qatar júrip otyrdy. Bul oqýshylar úshin óte áserli boldy. Munan keiin jazýshynyń kitaptaryn shyǵarý isin uiymdastyrýshy, QR Fýtgolf federatsiiasynyń prezidenti Svetlana Toqqulova balalarmen oqylǵan ertegiler týraly pikirlerin surap, áńgimege tartty. Oqýshylarǵa qazaq jáne orys tilderinde túrli tústi kórkem sýrettermen bezendirilgen jazýshynyń kitaptary taratyldy. Oqýshylar avtorǵa túrli saýaldaryn qoiyp, áńgimeni jandandyra tústi.
Kezdesý sońynda R. Ábiqaevaǵa L. Turlashov Jetisý óńiri jaily kitapty syiǵa tartsa, jazýshy óz tarapynan S.Seifýllin atyndaǵy kitaphana qoryna 50-ge tarta kitaptaryn tartý etti.
Atap ótsek, jazýshy Rima Ábiqaeva 2-9 jastaǵy balalarǵa arnap 29 ertegi, 70 óleń jazǵan. Reseidegi I.A.Býnin atyndaǵy Jaratylystaný ǵylymdary akademiiasynyń kúmis medaliniń iegeri.
Almaty oblysy ákiminiń baspasóz qyzmeti.
