Pavlodar oblysynda sot bala kezinde ata-anasynyń qamqorlyǵynsyz qalǵan áieldiń turǵyn úi quqyǵyn qalpyna keltirdi. Ol baspana kezegine 2008 jyldan bastap qoiylýy tiis bolǵanymen, is júzinde bul tek 2014 jyly júzege asqan, dep habarlaidy Joǵarǵy sot, dep habarlaidy ult.kz.
Sotta 2008 jyly B. balalar úiine ornalastyrylǵany anyqtaldy. Alaida ol «jetim balalar jáne ata-anasynyń qamqorlyǵynsyz qalǵan balalar» sanaty boiynsha memlekettik turǵyn úi qorynan baspana alý kezegine alty jyldan keiin ǵana qoiylǵan.
2023 jyly ýákiletti organ B.-ny basqa eldi mekenge turaqty turýǵa ketkenin negizge alyp, kezekten shyǵaryp tastaǵan.
Áiel balalar úiine qabyldanǵan sátten bastap, iaǵni 2008 jyldan esepke turý quqyǵyn qalpyna keltirýdi talap etip, birneshe ret júgingen. Nátijesinde ol kezekke qaita qoiylǵan, biraq alǵashqy tirkelgen kúni – 2014 jyldan bastap eseptelgen.
B. bul sheshimmen kelispei, sotqa júgingen.
Sot áieldiń turǵyn úi kezegine ýaqytynda qoiylmaýy qorǵanshylyq fýnktsiialaryn júzege asyratyn organdar men uiymdardyń óz mindetterin tiisinshe oryndamaýynan bolǵanyn anyqtady.
Bul rette B.-nyń ózi jaǵdaiǵa áser ete almaǵan. Óitkeni turǵyn úi kezegine turý quqyǵy paida bolǵan kezde ol kámeletke tolmaǵan jáne baspana alý quqyǵyn óz betinshe júzege asyrý múmkindigi bolmaǵan.
Sot sondai-aq B. tárbielengen balalar úiiniń qazirgi ýaqytta taratylǵanyn eskerdi. Ýákiletti organ áieldiń patronattyq tárbiede bolǵany týraly istiń mán-jaiyna quqyqtyq baǵa berýge áser etetin dálelder usynbaǵan.
«Turǵyn úi qatynastary týraly» zańǵa sáikes, turǵyn úige muqtaj dep tanylyp, esepke qoiylǵan jetim balalar men ata-anasynyń qamqorlyǵynsyz qalǵan balalar baspana alǵanǵa deiin kezekten shyǵarylmaidy.
Sot memlekettik organdardyń áreketsizdigi men jekelegen laýazymdy tulǵalardyń zańsyz áreketteri áieldiń turǵyn úi quqyǵynyń buzylýyna ákelgen degen qorytyndyǵa keldi.
Nátijesinde onyń memlekettik turǵyn úi qorynan baspana alý quqyǵy balalar úiine qabyldanǵan kúnnen bastap, iaǵni 2008 jyldan bastap qalpyna keltirildi.
Sot sheshimi zańdy kúshine endi.
