پاۆلودار وبلىسىندا سوت بالا كەزٸندە اتا-اناسىنىڭ قامقورلىعىنسىز قالعان ەيەلدٸڭ تۇرعىن ٷي قۇقىعىن قالپىنا كەلتٸردٸ. ول باسپانا كەزەگٸنە 2008 جىلدان باستاپ قويىلۋى تيٸس بولعانىمەن, ٸس جٷزٸندە بۇل تەك 2014 جىلى جٷزەگە اسقان, دەپ حابارلايدى جوعارعى سوت, دەپ حابارلايدى ult.kz.
سوتتا 2008 جىلى ب. بالالار ٷيٸنە ورنالاستىرىلعانى انىقتالدى. الايدا ول «جەتٸم بالالار جەنە اتا-اناسىنىڭ قامقورلىعىنسىز قالعان بالالار» ساناتى بويىنشا مەملەكەتتٸك تۇرعىن ٷي قورىنان باسپانا الۋ كەزەگٸنە التى جىلدان كەيٸن عانا قويىلعان.
2023 جىلى ۋەكٸلەتتٸ ورگان ب.-نى باسقا ەلدٸ مەكەنگە تۇراقتى تۇرۋعا كەتكەنٸن نەگٸزگە الىپ, كەزەكتەن شىعارىپ تاستاعان.
ەيەل بالالار ٷيٸنە قابىلدانعان سەتتەن باستاپ, ياعني 2008 جىلدان ەسەپكە تۇرۋ قۇقىعىن قالپىنا كەلتٸرۋدٸ تالاپ ەتٸپ, بٸرنەشە رەت جٷگٸنگەن. نەتيجەسٸندە ول كەزەككە قايتا قويىلعان, بٸراق العاشقى تٸركەلگەن كٷنٸ – 2014 جىلدان باستاپ ەسەپتەلگەن.
ب. بۇل شەشٸممەن كەلٸسپەي, سوتقا جٷگٸنگەن.
سوت ەيەلدٸڭ تۇرعىن ٷي كەزەگٸنە ۋاقىتىندا قويىلماۋى قورعانشىلىق فۋنكتسييالارىن جٷزەگە اسىراتىن ورگاندار مەن ۇيىمداردىڭ ٶز مٸندەتتەرٸن تيٸسٸنشە ورىنداماۋىنان بولعانىن انىقتادى.
بۇل رەتتە ب.-نىڭ ٶزٸ جاعدايعا ەسەر ەتە الماعان. ٶيتكەنٸ تۇرعىن ٷي كەزەگٸنە تۇرۋ قۇقىعى پايدا بولعان كەزدە ول كەمەلەتكە تولماعان جەنە باسپانا الۋ قۇقىعىن ٶز بەتٸنشە جٷزەگە اسىرۋ مٷمكٸندٸگٸ بولماعان.
سوت سونداي-اق ب. تەربيەلەنگەن بالالار ٷيٸنٸڭ قازٸرگٸ ۋاقىتتا تاراتىلعانىن ەسكەردٸ. ۋەكٸلەتتٸ ورگان ەيەلدٸڭ پاتروناتتىق تەربيەدە بولعانى تۋرالى ٸستٸڭ مەن-جايىنا قۇقىقتىق باعا بەرۋگە ەسەر ەتەتٸن دەلەلدەر ۇسىنباعان.
«تۇرعىن ٷي قاتىناستارى تۋرالى» زاڭعا سەيكەس, تۇرعىن ٷيگە مۇقتاج دەپ تانىلىپ, ەسەپكە قويىلعان جەتٸم بالالار مەن اتا-اناسىنىڭ قامقورلىعىنسىز قالعان بالالار باسپانا العانعا دەيٸن كەزەكتەن شىعارىلمايدى.
سوت مەملەكەتتٸك ورگانداردىڭ ەرەكەتسٸزدٸگٸ مەن جەكەلەگەن لاۋازىمدى تۇلعالاردىڭ زاڭسىز ەرەكەتتەرٸ ەيەلدٸڭ تۇرعىن ٷي قۇقىعىنىڭ بۇزىلۋىنا ەكەلگەن دەگەن قورىتىندىعا كەلدٸ.
نەتيجەسٸندە ونىڭ مەملەكەتتٸك تۇرعىن ٷي قورىنان باسپانا الۋ قۇقىعى بالالار ٷيٸنە قابىلدانعان كٷننەن باستاپ, ياعني 2008 جىلدان باستاپ قالپىنا كەلتٸرٸلدٸ.
سوت شەشٸمٸ زاڭدى كٷشٸنە ەندٸ.
