Memleket basshysy Qasym-Jomart Toqaev 2022 jyldy «Balalar jyly» dep atady. Osy rette Memleket basshysy balalarǵa erekshe kóńil bólý kerektigin jetkizdi, dep habarlaidy "Ult aqparat".
"Balalar - memleketimizdiń jarqyn bolashaǵynyń kepili. Sondyqtan da aldaǵy jyldy Balalar jyly dep jariialaý kerek dep esepteimin. Áńgime jalań uran men merekelik sharalar týraly emes. Birinshi kezekte bilik tarapynan balalardy qorǵaý úshin densaýlyq saqtaý, bilim berý, áleýmettik qoldaý baǵytynda naqty sharalar qolǵa alynýy kerek. Óskeleń urpaqtyń úilesimdi damýy men baqytty balalyq shaǵy – bizdiń jalpyulttyq mindetimiz, - dedi Qasym-Jomart Toqaev.
Osy oraida Prezident janyndaǵy Áielder isteri jáne otbasylyq-demografiiayq saiasat jónindegi Ulttyq komissiia 2022 jyldy shilde aiynyń 25 juldyzynan bastap balalar áni jáne balalar poeziiasyna (óleń, jyr, taqpaq) arnalǵan aqyndar men kompozitorlar arasynda respýblikalyq baiqaý jariialaidy.
Konkýrstyń maqsattary men mindetteri:
- óner týyndylary arqyly qazaqstandyq patriotizm men ulttyq mádenietke degen súiispenshilikti qalyptastyrý;
- jas ereksheligi talabyna sai jańa mýzykalyq shyǵarmalardyń jazylýyna jol ashý;
- otandyq avtorlardy qoldaý;
- balabaqsha jáne mektep jasyndaǵy balalardyń repertýaryn tolyqtyrý;
- Otanǵa qyzmet etýge, joǵary patriottyq nietterge oń kózqarastar qalyptastyratyn mádeni ónimderdi jasaý
Konkýrstyń ótkizý tártibi
Konkýrs 2022 jyldyń 25 shildesinen bastap 15 qazan aralyǵynda Qazaqstan Respýblikasynyń búkil aýmaǵynda ótkiziledi.
Shyǵarmalar erkin taqyrypta (otansúigishtik, ata-anaǵa degen mahabbat, eldi qorǵaý, tabiǵat jaiynda jáne t.b.) jazylady. Konkýrs shyǵarmalardyń túri boiynsha kelesi eki nominatsiialarǵa bólinedi:
- Balalarǵa arnalǵan ánder. Balabaqsha jáne mektep jasyndaǵy balalardyń ánderi.
- Balalar poeziiasy. Erkin taqyryptaǵy taqpaq, óleń, jyr týyndylary
Eskertý: Konkýrsqa qatysý úshin buryn kópshilik aldynda oryndalmaǵan, jariialanbaǵan jáne basqa konkýrstarǵa qatyspaǵan týyndylar usynylady.
Ótinish qabyldaý
Konkýrsqa qatysý úshin qatysýshylar ótinimmen birge mynadai qujattar men materialdardy qosa bere otyryp, 2022 jylǵy 25 shildeden bastap 15 qazanǵa deiin osy Qaǵidalarǵa 1-qosymshaǵa sáikes nysan boiynsha ótinimder jiberedi:
- PDF formatynda jeke kýáligi qujatynyń kóshirmesi;
- shyǵarmashylyq ómirbaiany;
- Konkýrska qatysýshynyń 13h18 santimetr ólshemindegi túrli-tústi fotosýreti (JPEG formatynda);
- týyndynyń MR3 formatyndaǵy aýdiojazbasy;
- Eki nominatsiiaǵa da Word qujatyndaǵy týyndynyń mátini (qarip – Times New Roman, mólsheri №14, jolaralyq interval – bir joldyq);
- Ánder nominatsiiasyna partitýra jáne klavir («Finale» nemese «Sibelius» notalyq redaktorlar nemese JPEG nemese PDF formatyndaǵy basqa notalyq redaktorlar formatynda).
- Qazaqstan Respýblikasynyń ekinshi deńgeidegi bankte jeke shotynyń bolýy týraly anyqtama.
Ótinimder myna elektrondy poshtaǵa jiberiledi: zhas.oren@gmail.com Anyqtama telefondary: 87751459053
Konkýrs erejesi
- Konkýrsqa qatysýdan bas tartylǵan jaǵdaida, osy Qaǵidalardyń tarmaǵynda kórsetilgen qujattar qatysýshylarǵa qaitarylmaidy.
- Konkýrsqa qatysýshylar osy Qaǵidanyń 6-tarmaǵynda kórsetilgen birneshe nominatsiialarǵa bir mezgilde qatysa alady. Ár nominatsiia boiynsha bir qatysýshy bir ótinimmen bir týyndyny ǵana usynylady. Ánge qatysty shyǵarma óńdelgen (aranjirovka) nusqada bolsa bolady.
- Konkýrsqa usynylǵan týyndylar retsenziialanbaidy jáne qaitarylmaidy.
- Baiqaýdyń qorytyndylary 2022 jyldyń 25 qazanynda jariialanady.
- Nominatsiia jeńimpazdary men diplomanttardyń týyndylary Qazaqstan Respýblikasynyń mádeniet uiymdary men shyǵarmashylyq birlestikteriniń repertýaryna qosý úshin usynylatyn bolady
- Nominatsiia jeńimpazdary men laýreattaryna aqshalai syiaqylardy tóleý olardyń Qazaqstan Respýblikasynyń ekinshi deńgeidegi banktegi jeke shottaryna aýdarý jolymen júzege asyrylady.
- Aqshalai júldelerdi tóleý úshin Qazylar alqasynyń hattamasy negiz bolyp tabylady.
- Konkýrstyń jeńimpazdaryn marapattaý saltanaty Qazaqstan Respýblikasynyń Táýelsizdigi kúni qarsańynda Nur-Sultan qalasynda gala-kontsert túrinde ótedi.
Konkýrstyń uiymdastyrý komiteti
Konkýrsty uiymdastyrý jáne ótkizý úshin Konkýrsty ótkizý jónindegi uiymdastyrý komiteti quramy qurylady.
Uiymdastyrý komiteti konkýrsty daiyndaý men ótkizýdi basshylyqty júzege asyrady.
Konkýrsty jarnamalaý maqsatynda Uiymdastyrý komiteti buqaralyq aqparat quraldaryna baspasóz-relizderdi usynady jáne Qaǵidany Ministrliktiń www.msm.gov.kz internet-resýrsynda ornalastyrady.
Uiymdastyrý komiteti is-sharany aqparattyq-jarnamalyq qoldaý túrlerin aiqyndaidy.
Uiymdastyrý komitetiniń bailanys derekteri: telefon: 87751459053; elektrondyq poshta: zhas.oren@gmail.com
Konkýrstyń qazylar alqasy
Konkýrsqa qatysýshylardyń ónerin baǵalaý, sondai-aq qorytyndylar shyǵarý jáne osy kórsetilgen nominatsiialar boiynsha jeńimpazdardy aiqyndaý týraly sheshimder qabyldaý úshin konkýrstyń qazylar alqasy qurylady.
Baiqaýdyń qazylar alqasynyń quramyna eńbek sińirgen mádeniet jáne óner qairatkerleri, qoǵam qairatkerleri, memlekettik uiymdardyń ókilderi kiredi.
Tóraǵany qosa alǵanda, Qazylar alqasynyń quramy taq bolýǵa tiis.
Árbir nominatsiia boiynsha Qazylar alqasynyń sheshimi túpkilikti jáne qaita qaraýǵa jatpaidy, hattamamen resimdeledi jáne qazylar alqasynyń tóraǵasy men barlyq músheleri qol qoiady.
Daýystar teń bolǵan jaǵdaida Qazylar alqasy tóraǵasynyń daýysy sheshýshi bolady
Konkýrstyń Qazylar alqasy quqyly:
- laiyqty týyndylar bolmaǵan jaǵdaida kez kelgen nominatsiia boiynsha jeńimpazdy anyqtamaýǵa;
- Aqshalai júldelerdi (Gran-pridi qospaǵanda) bermeýge nemese jeńimpazdar arasynda bólýge quqyly.
Qazylar alqasynyń múshelerine qalamaqy tóleý jasalǵan sharttarǵa sáikes júrgiziledi. «Sybailas jemqorlyqqa qarsy is-qimyl týraly» Qazaqstan Respýblikasy Zańynyń 13-babyndaǵy 1-tarmaǵy 3) tarmaqshasyna sáikes memlekettik qyzmetshiler jáne memlekettik uiymdarda nemese kvazimemlekettik sektor sýbektilerinde basqarý fýnktsiiasyn oryndaityn tulǵalar bolyp tabylatyn qazylar múshelerine qalamaqy tólenbeidi.
Konkýrsty qarjylandyrý
Konkýrs nominatsiialary boiynsha kelesi aqshalai júldeler belgilenedi:
- Bas-júlde – 1 000 000 (bir million) teńge eki nominatsiiaǵa ortaq.
- «Balalarǵa arnalǵan ánder» nominatsiiasy boiynsha
- I oryn (1 júldeger) - 700 000 (jeti júz myń) teńge
- II oryn (2 júldeger) - 500 000 (bes júz myń) teńge
- III oryn (2 júldeger) - 300 000 (úsh júz myń) teńge
- Diplomant (3 júldeger) – 70000 (jetpis myń) teńge;
- «Balalar poeziiasy» nominatsiiasy boiynsha:
- I oryn (1 júldeger) - 700 000 (jeti júz myń) teńge
- II oryn (2 júldeger) - 500 000 (bes júz myń) teńge
- III oryn (2 júldeger) - 300 000 (úsh júz myń) teńge
- Diplomant (3 júldeger) – 70000 (jetpis myń) teńge;
Qorytyndy erejeler
Osy Qaǵidalarda qarastyrylmaǵan barlyq máseleler Qazaqstan Respýblikasynyń qoldanystaǵy zańnamasyna sáikes sheshiledi.
