Balalar psihiatriiasy mamandyǵy boiynsha granttar sany kóbeidi. Bul týraly Búkilálemdik aýtizm máselesi týraly aqparat taratý kúnine arnalǵan brifingide QR Densaýlyq saqtaý ministrliginiń Ana men balanyń densaýlyǵyn qorǵaý departamenti direktorynyń orynbasary Oljas Ysqaqov málim etti, dep habarlaidy QazAqparat.
«Jyl saiyn 2 sáýirde Búkilálemdik aýtizm máselesi týraly aqparat taratý kúni atalyp ótedi. BUU Bas Assambleiasynyń 2007 jylǵy jeltoqsannyń 18-indegi arnaiy qararymen bekitilgen. Bul qujatta aýtizmnen zardap shegetin balalar sanynyń kóbeiip bara jatqanyna alańdaýshylyq bildirilgen. Osy máseleniń ózektiligine bailanysty densaýlyq saqtaý, bilim jáne áleýmettik qorǵaý uiymdarynyń belsendi ózara is-qimylynyń qajettigi mańyzdy bolyp tur», - dedi Ysqaqov Ortalyq kommýnikatsiialar qyzmetinde.
Onyń aitýynsha, atalǵan máseledegi qajetti qadamdar tiisti Jol kartasynda qarastyrylǵan.
Densaýlyq saqtaý ministrligi jetkinshekterge kómek kórsetý qoljetimdigin qamtamasyz etýde atqarǵan jumystaryna toqtalǵan O. Ysqaqov qazirgi kezde qalalyq, oblystyq deńgeidegi psihikalyq densaýlyqtyń 17 ortalyǵy qyzmet etip jatqanyn aitty.
«2018 jyldan 2020 jyl aralyǵynda kómektiń qoljetimdiligin jaqsartý úshin qalalyq ambýlatoriialyq-emhanalyq uiymdarda 74 bastapqy psihikalyq densaýlyq ortalyǵy ashyldy. Aýyldarda 219 psihikalyq densaýlyq kabineti bar», - dedi vedomstvo ókili.
Onyń sózine qaraǵanda, densaýlyq saqtaý uiymdarynda balalar psihiatrlarynyń sany artyp keledi.
Ministrlik sońǵy eki jylda psihiatriia baǵyty boiynsha biýdjettik granttar sanyn kóbeitti.
2021 jyly psihiatriia, balalar psihiatriiasy mamandyǵy boiynsha 150 astam rezident oqýdy támamdaidy.
Aita keteiik, sáýirdiń 2-si Búkilálemdik aýtizm máselesi týraly aqparat taratý kúni retinde belgilengen.
BUU Bas Assambleiasynyń 2007 jylǵy jeltoqsannyń 18-indegi arnaiy qararymen bekitilgen. 2008 jyldan bastap jyl saiyn sáýirdiń 2-sinde atap ótiledi.
Bul Búkilálemdik kún Katar memleketiniń usynysy boiynsha belgilendi, muny Birikken Ulttar Uiymynyń Bas Hatshysy 2008 jylǵy joldaýynda atap ótti.
Bas Assambleianyń qararynda, eń aldymen, balalardyń aýtizm máselesine kóńil bólindi, sondai-aq diagnozdy neǵurlym erte qoiý jáne tiisti tekserý júrgizý atap kórsetilgen.
