QR Parlamenti Májilisiniń depýtaty Abai Tasbolatov elimizde balalardyń mýltfilmderdi tek oryssha kórip júrgenin aityp, atalǵan máselege nazar aýdarýdy talap etti, dep habarlaidy Baq.kz tilshisi.
Búgin Májiliste QR Mádeniet jáne sport ministri Arystanbek Muhamediuly «Kinematografiia týraly» zań jobasyn tanystyrdy.
Jiyn barysynda Abai Tasbolatov ministrge búgingi tańda balalardyń mýltfilmderdi tek oryssha kórip júrgenin ashyna aitty.
“Arystanbek Muhamediuly, biz jastarǵa qashan kóńil bólemiz? Siz memleket aqsha bóledi, barlyǵy jaqsy bolyp jatyr dedińiz. Keleshegimizge kóńil bólýimiz kerek. Jeksenbi kúni (balalar úshin - avtor) “Balapan” telearnasynan basqa eshkim qazaqsha habar bermeidi”, - dedi depýtat.
Sonymen qatar ol atalǵan máseleni búgin sheshý qajettigin atap ótti.
“Jaraidy, aqsha jetpei jatyr, mamandar joq” deisizder. “Masha i medved” mýltfilmin nege qazaqshaǵa aýdarmaimyz? Ertegiler de bar ǵoi. Balalar ylǵi solardy kóredi. Olar balabaqshadan nemese mektepten keledi de mýltfilmderdi oryssha kóredi. Al mektepte qazaqsha oqidy. Meniń oiymsha, osy máselege durystap kóńil bólý kerek. 2-3 jyldan soń, bul máseleni sheshý kesh bolady”, - dep túiindedi sózin Abai Tasbolatov.
Eske sala ketsek, QR Parlamenti Májilisinde «Kinematografiia týraly» Qazaqstan Respýblikasy Zańy jobasynyń birinshi oqylymynda palata tóraǵasy Nurlan Nyǵmatýlin eldegi filmderge «ulttyq» mártebe berý barysynda suryptaý belgilerine qatysty pikir bildirdi. Ol qazaqstandyq filmderdiń barlyǵyn saqtaý qajettiligi bar ekenin aitty jáne otandyq kinoteatrlardyń jumysyn baqylaýǵa alý kerektigin jetkizdi.
Sondai-aq Májiliste baiandama jasaǵan QR Mádeniet jáne sport ministri Arystanbek Muhamediuly «Qazaqfilm» kinostýdiiasynyń tehnikalyq jabdyqtalýy tómen ekenin málimdedi.
