Foto:aikyn.kz alyndy
Jastar altyn ýaqytyn telefonǵa úńilip ótkizbei, ony anaǵurlym paidaly iske jumsasyn – Qasym-Jomart Toqaev. Memleket basshysy balalardyń shyǵarmashylyǵy men sporttyq qabiletterin damytýǵa erekshe kóńil bólip keledi. Osyǵan qatysty birneshe mańyzdy tapsyrma bergen.2021 jylǵy Joldaýynda ol balalar men jasóspirimderdiń bos ýaqytyn tiimdi paidalaný úshin shyǵarmashylyq jáne sport sektsiialaryn kóbeitýdi tapsyrdy. Sondai-aq mektep oqýshylaryna arnalǵan úiirmelerdiń qoljetimdiligin arttyrýdy jáne osy salada qosymsha investitsiialar bólýdi mindettedi. Bul bastamalar balalardyń jan-jaqty damýyna jáne mádeni áleýetin kóterýge baǵyttalǵan.
Qazir elimizde 600-jýyq mektepten tys bilim berý uiymy jumys isteidi. Bul ortalyqtar balalarǵa mýzyka, beineleý jáne teatr óneri, horeografiia siiaqty túrli baǵyttarda ózderin damytýǵa múmkindik ashty. Sondai-aq sońǵy jyldary balalardy tsifrlyq shyǵarmashylyqqa baýlityn ortalyqtardyń sany artyp keledi. STEAM jáne IT ortalyqtary tsifrlyq óner, 3D-modeldeý, animatsiia jáne grafikalyq dizain boiynsha balalarǵa bilim beredi. Elde osyndai 20-dan astam ortalyqtar jumys isteidi.
Bul jerde Memleket basshysynyń tapsyrmasymen iske asyp jatqan «Jaily mektep» jobasyn da atap ótken jón. Jańa formattaǵy mektepte jańa modifikatsiiadaǵy pándik kabinetter, erekshe qajettiligi bar balalardyń kedergisiz júrip-turýyna múmkindik berdi, sonymen qatar balalardyń bilimin ǵana emes, shyǵarmashylyqpen, ǵylymmen, ónermen qolaily atmosferada ainalysýyna jol ashty. Biyl atalmysh joba sheńberinde 217 mektep ashylsa, kelesi jyly taǵy 152 bilim ordasy boi kótermek.
