QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova mektepterge balalar ne sebepti meilinshe azyraq barýy kerektigin túsindirdi, dep habarlaidy "Ult aqparat".
«Balany qashyqtan oqytý-oqytpaýdy ata-ana sheshedi. Mektepterde ne sebepti meilinshe azyraq bala oqýy kerektigin túsindirip kóreiin. Qazir epidemiologiialyq jaǵdai turaqsyz ekenin aityp óttim. Balalar koronavirýsty jeńil kóteretini týraly aqparattar bar. Bul, rasymen solai. Biraq olar muǵalim úshin de, otbasy músheleri úshin de infektsiia kózi bolyp qalady», - dedi Aijan Esmaǵambetova búgin Ortalyq kommýnikatsiialar qyzmetinde ótken brifingte.
Komitet basshysy balalar koronavirýsty jeńil ótkizgenimen, onyń ózgelerge qaýpi týraly eskertti.
«Qaraǵandylyq muǵalim Reseide koronavirýs juqtyryp, mektepke barǵan. Oqýshylar muǵalimnen aýrý juqtyryp, olardan otbasy múshelerine juqqan. Bul – balalar aýrýdy jeńil ótkizgenmen, infektsiiany basqalarǵa da juqtyratynyn bildiredi. Al egde jastaǵy ári sozylmaly aýrýy bar adamdar bul indetti juqtyrǵan kezde emdelýi qiyn ekenin, tipti sońy ólimmen aiaqtalǵan jaǵdailar bar ekenin bilesizder. Sondyqtan biz bul derttiń taralýyn toqtatýǵa úlken mán beremiz», - deidi ol.
