Foto: ashyq derekkóz
Soltústik Qazaqstan oblysy Aqjar aýdany Talshyq aýylyndaǵy mekteptiń foiesinde muǵalim burysh ballonyn shashqan. Saldarynan úsh adam dárigerdiń kómegine júgindi.
SQO politsiia departamenti baspasóz qyzmetiniń málimetinshe, 27 qyrkúiek kúni Aqjar aýdanynyń ortalyǵy Talshyq aýylyndaǵy mektepte oqýshylardyń esinen tanyp qulap jatqany týraly aqparat túsken.
Habarlasqan adam dálizde ótkir iistiń turǵany týraly aitqan. Oqiǵa ornyna kelgen jedel-tergeý tobynyń qyzmetkerleri men ýchaskelik politsiia inspektory mektepten oqýshylardy, ustazdar men jumysshylardy evakýatsiialap, mán-jaidy anyqtady.
Osy mekteptiń eki muǵalimi burysh ballonyn teksermek bolǵan. Olardyń bireýi munyń saldary qandai bolýy múmkin ekenin oilamastan, ballonnyń ishindegisin shashyp jibergen. Saldarynan qaýipti iis mektep ishine tarap ketken.
Saldarynan aýdandyq aýrýhanaǵa 11 men 9 jastaǵy eki oqýshy, sondai-aq 53 jastaǵy áiel júgindi. Olarǵa meditsinalyq kómek kórsetilgen soń úilerine jiberildi. Burysh ballonyn shashqan muǵalimder ákimshilik jaýapkershilikke tartyldy.
SQO bilim basqarmasy baspasóz qyzmeti de osy oqiǵaǵa qatysty túsinik berdi.
"Mekteptiń birinshi qabatynda ótkir iis shyǵysymen barlyq oqýshylar men qyzmetkerler dalaǵa shyǵaryldy. Meditsinalyq qyzmetker barlyǵyn tekserip shyqty.
Oqiǵa ornyna kelgen politsiia qyzmetkerleri mán-jaidy anyqtady. Mekteptiń dene shynyqtyrý pániniń muǵalimi áriptesine burysh ballonyn kórsetpek bolǵan. Qazirgi ýaqytta tergeý júrip jatyr. Balalar men ustazdardyń jaǵdaiy qalypty.
Sottyń sheshimimen ustazdarǵa shara qoldanylatyn bolady", — dedi baspasóz hatshysy Ásel Orazbaeva.
Buǵan deiin SQO-da jol apatynan eki adam mert bolyp, úsheýi jaraqattanǵanyn jazǵan edik.
