Memleket menshigindegi balalar basylymdary biriktirilmeidi. Bul jaiynda Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«Memleket menshigindegi «Ulan», «Drýjnye rebiata», «Aq jelken», «Baldyrǵan» balalar basylymdary biriktirilmeidi. Olar qalyptasqan format boiynsha, ataýlary men qarjylandyrý kólemin saqtai otyryp, jumysyn jalǵastyrady. Qazaqstan Respýblikasy Úkimetiniń «Memlekettik menshiktiń keibir máseleleri týraly» 2020 jylǵy 7 qarashadaǵy № 743 qaýlysyna sáikes «Qazaq gazetteri» JShS-yn qaita qurý jumystary onyń quramyndaǵy balalar basylymdarynyń qyzmetine yqpal etpeidi. Seriktestikti qaita qurýdyń nátijesinde oǵan qosylyp jatqan respýblikalyq gazetterdiń ákimshilik personaly ǵana ońtailandyrylady», - delingen Eraly Toǵjanovtyń jaýabynda.
Aita keteiik, qazirgi ýaqytta «Qazaq gazetteri» JShS quramyndaǵy «Ulan», «Drýjnye rebiata» gazetteri aptasyna jáne «Aq jelken» jýrnaly aiyna bir ret 5 000 dana tirajben, «Baldyrǵan» jýrnaly aiyna bir ret 10 000 dana tirajben basylyp shyǵady. Olardyń elektrondyq nusqalary seriktestiktiń saitynda qoljetimdi. 2020 jyly atalǵan balalar basylymdaryn qamtamasyz etý úshin respýblikalyq biýdjetten 133,7 mln teńge, al 2021 jyly 134, 7 mln teńge bólindi.
