Nur-Sultanda balalar úshin Aqordaǵa ekskýrsiia uiymdastyryldy. Bul týraly BORT N1 Telegram arnasynda habarlandy.
"Halyqaralyq balalardy qorǵaý kúni «Aqorda» rezidentsiiasy búldirshinderge esigin aiqara ashty. Az qamtylǵan jáne kóp balaly otbasylardyń búldirshinderi, jetimder úiinde tárbielenip jatqan balalar, oqý ozattary, ziiatkerlik jáne shyǵarmashylyq konkýrstardyń jeńimpazdary men júldegerleri Aqordany aralap kórdi.
Elordaǵa elimizdiń ár óńirinen 10-14 jas aralyǵyndaǵy 34 oqýshy keldi. Balalar Prezidenttiń «Aqorda» rezidentsiiasyndaǵy «Saltanat», «Mármár», «Shyǵys» zaldaryn tamashalady.
Ekskýrsiia sońynda balalarǵa Prezident atynan syilyqtar tabystaldy", - delingen habarlamada.
